| e-texts navigator |
| Wylie |
154a1 བཅུ་རབ་ཏུ་སྒྲུབ་པར་བྱེད་པའི་ཕྱག་རྒྱ་རབ་ཏུ་སྒྲུབ་པར་བྱེད་པའི་ཕྱག་རྒྱ་ཆེན་པོ་སྟོང་འགྱུར་ཏེ། ཇི་ལྟ་བ་བཞིན་དུ་དམ་ཚིག་ཕྱག་རྒྱ་མཚན་རྣམས་ཀྱིས་ལག་པ་གཡས་པ་དང
154a2 གཡོན་པ་དག་གི་རྡོ་རྗེ་ཆེན་པོའི་སྦྱོར་བ་ལས་ཐམས་ཅད་ཀྱི་དངོས་རྩུབ་ཏུ་སྒྲུབ་པར་བྱེད་པའི་སྤོང་པ་ཉིད་དུ་འགྱུར་ཏེ། རྡོ་རྗེ་བསྡམས་པའི་ནང་དུ་བཅིངས་པས་སོ།། དེ་ལྟར་ན་རང་གི་མཚན
154a3 གྱི་ཁུ་ཚུར་རྡོ་རྗེ་གར་ལས་བྱུང་བའི་ཕྱག་རྒྱ་སྐྱོང་དང་པོའི་ལས་ཀྱིས་ཚོགས་བརྒྱ་སྒྲུབ་པར་བྱེད་པའི་རྡོ་རྗེ་ལས་བྱེད་པ་གསུམ་མོ། ། དེ་ལྟར་ལག་པ་གཡས་པ་དང་། གཡོན་པའི་ཅིག་ཤོས་ཀྱི
154a4 ལས་ཐམས་ཅད་རབ་ཏུ་སྒྲིབ་པར་བྱེད་པའི་ལས་ཀྱི་ཕྱག་རྒྱ་སྤོང་བཞི་པའོ། ། དེ་ལྟར་ན་མ་ལུས་པའི་ཕྱག་རྒྱ་བཅིང་བ་ནི་ལག་པ་གཅིག་གིས་ཕྱག་རྒྱ་ཐམས་ཅད་བཅིང་བ་རབ་ཏུ་སྒྲུབ་པའོ།།
154a5 དེ་ལྟར་འགྲོ་བ་དོན་ཀུན་ཏུ།། འཁོར་དང་དམ་ཚིག་ལས་དང་བཅས།། ཀུན་མཆོག་དབང་ཕྱུག་དམ་པ་སྟེ།། རྡོ་རྗེ་སེམས་དཔས་སྒྲུབ་པར་མཛད།། དེ་ལྟར་གསང་བ་རྒྱ་ཆེན་རྨད་དུ
154a6 བྱུང་། ། མཆོག་ཏུ་འགྲོ་བ་ཐམས་ཅད་སྦྱོང་བྱེད་པ།། མཆོག་དང་པོ་ཡི་བླ་མ་བླ་ན་མེད།། གསལ་བའི་རྒྱུད་ནི་ང་ཡིས་ཡང་དག་བཤད།། དཔལ་མཆོ་ག་དང་པོའི་རྟོག་པའི་རྒྱལ་པོ
154a7 ལས། རིགས་ཐམས་ཅད་ཀྱི་ཕྱག་རྒྱའི་རྒྱུད་དོ།། ། དེ་ནས་སྟོན་པ་རྡོ་རྗེ་འཛིན།། གསང་བ་ཀུན་གྱི་བདག་བརྟན་པས།། དེ་ཉིད་ཕྱག་རྒྱའི་རྒྱུད་ཆེན་པོ།། མཚོན་ཆངམ
iiif viewer powered by OpenSeadragon
