| e-texts navigator |
| Wylie |
152a1 @ཡང་དག་པར་བརྐྱང་བའི་འཁོར་ལོ་ནི་པདྨའི་ཁྱབ་འཇུག་མའོ། ། པདྨ་ལས་བྱུང་བའི་མཛུབ་མོ་གཉིས་བཀུག་པའི་ལྕགས་ཀྱུ་དང་སོར་མོ་ལྕུག་མ་ཁ་ཕྱེ་བའི་པདྨ་ལས་བྱུང
152a2 བའི་ཞེས་བྱའོ། ། རྟ་མགྲིན་གྱི་ནི་མཛུབ་མོ་གཉིས་ཤིན་ཏུ་སྦྱར་བའི་ལྕགས་ཀྱུ་རྒོད་མའི་ཁ་ཤིན་ཏུ་རབ་ཏུ་བརྐྱང་བའི་སྲིན་ལག་གི་རྩེ་མོ་དང་། མཐེའུ་ཆུང་དང་གཉིས་རབ་ཏུ་བརྐྱང་བ་སོ་སོར
152a3 ཕྱེ་ལ་གཡོན་གཡོ་ཞིང་བཟུང་བ་ནི་པདྨའི་ལྕགས་ཀྱུ་ཞེས་བྱའོ། ། འདི་རྣམས་ཀྱིས་དབང་བསྐུར་བ་ཐམས་ཅད་དང་། ལས་ཐམས་ཅད་དང་། གྲོལ་བ་ཐམས་ཅད་དང་། དགུག་པ་ཐམས་ཅད
152a4 ཀྱི་དངོས་གྲུབ་དོན་ཡོད་པའོ། ། དེ་བཞིན་གཤེགས་པའི་སྐུ་མཆོག་གི་ཏིང་ངེ་འཛིན་གྱི་ཕྱག་རྒྱ་བཤད་པའོ།། དེ་ནས་ལས་ཀྱི་ཕྱག་རྒྱ་ནི་ཁ་ཊྭཱཾ་ག་བཅིངས་ནས་པདྨའི་རིགས་ཐམས་ཅད་ཀྱི་དམཚས
152a5 གི་ཕྱག་རྒྱ་ཇི་ལྟ་བ་བཞིན་དུ་གཟུང་བས་སོ། ། ངག་གི་ཏིང་ངེ་འཛིན་གྱིས་གཟུངས་དགུག་པ་ནི་ཆོས་ཀྱི་ངག་གིས་བཟླས་པའི་དོན་ཤེས་པའོ།། པདྨ་ཆེན་པོ་བཅིངས་ནས་ཡིད་ཀྱི་སྦྱིན་སྲེག་བྱའོ།།
152a6 སེམས་ཀྱིས་ཞི་བར་བྱའོ།། དངོས་པོ་བསྲུང་བར་བྱའོ།། རྣམ་པར་སྦྱང་བར་བྱའོ་ཞེས་བྱ་བ་བ་སྒྲུབ་པར་བྱའོ།། ལས་ཐམས་ཅད་པའི་ཕྱག་རྒྱའི་ཚོགས་སོ།། འཕགས་པ་སྤྱན་རས་གཟིགས
152a7 དབང་ཕྱུག་གི་ཕྱག་རྒྱའི་རྒྱུད་དོ། ། ། དེ་ནས་ནམ་མཁའི་སྙིང་པོའི་ཕྱག་རྒྱ་ཆེན་པོ་དེ་བཞིན་ནོ།། དམ་ཚིག་གི་ཕྱག་རྒྱ་རྡོ་རྗེ་རིན་ཆེན་ཏེ་མཐེ་བོང་དང་མཛུབ་མོའི་སོར་མོ་བཞི་ནི་རྩེ་མོ་མཉམ
iiif viewer powered by OpenSeadragon
