| e-texts navigator |
| Wylie |
148a1 ནི་རྗེས་སུ་དྲན་པས་སོ། ། སྒྲུབ་པ་ལ་དེ་བཞིན་ནོ།། ལས་ལ་ཉེ་བར་སྦྱོར་བ་ནི་དེ་བཞིན་གཤེགས་པ་ཐམས་ཅད་རྗེས་སུ་དྲན་པས་སོ།། དེ་བཞིན་གཤེགས་པ་ཐམས་ཅད
148a2 ཀྱི་ཕྱག་རྒྱ་བཅིང་བའོ། ། དེ་ནས་རྡོ་རྗེ་ཉི་མ་མེ་ལྷར་འབར་བའི་ཕྱག་རྒྱ་བཅིང་བ་ནི། དེ་ལ་ཕྱག་རྒྱ་ཆེན་པོ་ནི་བདག་ཉིད་ཐམས་ཅད་ཀྱིས་རྗེས་སུའོ།། དམ་ཚིག་གི་ཕྱག་རྒྱའི་རྒྱུད་ནི། རྡོ་རྗེ་བསྡམས
148a3 པ་ནང་དུ་བཅིངས་ལ་སོར་མོ་ཐམས་ཅད་ཀྱི་འབར་བའི་དཀྱིལ་འཁོར་གྱི་ནང་མཐེ་བོང་གི་རྡོ་རྗེ་བཞག་ལ་ཁམས་གསུམ་པ་ཐམས་ཅད་སྲེག་པ་དང་། འཚེད་པ་དང་། ཐལ་བར་བྱེད་པར་ནུས་ཏེ།
148a4 བཅོམ་ལྡན་འདས་ཀྱིས་ཀྱང་དབང་དུ་བྱེད་པར་འགྱུར་རོ།། དེ་ཉིད་ཀྱི་གཡོན་པའི་སོར་མོ་སྡིགས་མཛུབ་བྱ་ཞིང་གཡས་པའི་ལྕགས་ཀྱུས་དགུག་པར་བྱས་ན་ཐམས་ཅད་འགུགས་པའོ།།
148a5 རྡོ་རྗེ་ཧཱུཾ་མཛད་ཀྱི་ཕྱག་རྒྱའི་ནི་ཁྲོ་བོའི་རྡོ་རྗེ་ཁུ་ཚུར་གཉིས་པའི་རྡོ་རྗེས་མཐེའུ་ཆུང་གི་ལྕགས་ཀྱུས་བཅིངས་ཏེ། དེས་སྡིགས་མཛུབ་བྱ་ཞིང་ལས་ཐམས་ཅད་རང་དངོས་གྲུབ་ཐམས་ཅད་ཉམ
148a6 སུ་མྱོང་བ་ཡིན་ནོ། ། རྡོ་རྗེ་ཐལ་མོས་མཛུབ་མོ་བཅིངས་ལ་ཁྲོ་གཉེར་ཐུར་དུ་གཞག་པར་བྱ་ཞིང་མེ་སྟག་ཏུ་མྱུར་དུ་འཕྲོ་ཞིང་གཡོ་བ་ནི་རྡོ་རྗེ་ཁྲོ་གཉེར་རོ།། ཐམས་ཅད་སྲེག་པར་བྱེད་པ་དང
148a7 ཐམས་ཅད་འདུལ་བར་བྱེད་པ་དང་། རབ་ཏུ་བདུལ་བར་བྱེད་པ་ནི་ཁྲོ་གཉེར་གྱི་ཕྱག་རྒྱའོ།། རྡོ་རྗེ་ཐལ་མོས་ལེགས་པར་བསྐོར་བར་གཡོན་པའི་མཛུབ་མོ་ལྕགས་ཀྱུ་སྟེ་དགུག་པ་དང་། གཞུག
iiif viewer powered by OpenSeadragon
