| e-texts navigator |
| Wylie |
143b1 དགོས་པས་རབ་ཏུ་གཞག་པའོ།། ཡོངས་སུ་བསྐོར་ནས་དེ་བཞིན་དུ་མཛོད་སྤུར་གཞག་པར་བྱའོ།། ཁ་ནག་གཉིས་ཀྱིས་རྡོ་རྗེ་བཅིངས་པས་མཐེའུ་ཆུང་རྡོ་རྗེའི་ལེགས་པར་བྱེད་པའི་ཚུལ་གྱིས
143b2 ཉེབར་འཕེལ་བའོ། ། བསྡུས་པའི་ཚུལ་ལོ།། རྡོ་རྗེས་བརྡེག་པའོ།། ཐལ་མོས་ཕྲོག་པའོ།། རྡོ་རྗེས་བསྡུས་པའོ།། རྡོ་རྗེ་བསྡམས་པའི་མཛུབ་མོ་གཉིས་བཀུག་ཅིང་བསྣམས་ལ་ནང
143b3 དུ་བཞག་སྟེ་མཐེའུ་ཆུང་གཉིས་ཀྱིས་ཁ་ཕྱེ་བའི་མཆེ་བ་ནི་རྡོ་རྗེ་གནོད་སྦྱིན་གྱི་ཕྱག་རྒྱའོ། ། དེས་མཐིལ་ཕྲ་བར་བརྡབ་པའོ།། མཛུབ་མོའི་སེན་མོ་དྲུད་པའོ།། དབུས་མའི་རྡོ་རྗེ་བརྟན་པའོ།།
143b4 བྱབས་ནས་མྱུར་དུ་ཕྱག་རྒྱ་དགྲོལ་བའོ།། སོར་མོ་སྦྱར་ནས་རྡོ་རྗེ་གཙུག་ཏོར་རོ།། བ་དན་གསུམ་པ་གཉིས་ཁ་གྱེན་དུ་ལྦ་བ་དང་། འོག་ཏུ་ཁ་ལྟ་བའི་མཛུབ་མོ་དང་དབུས་མའི་མདུད་པ་བྱས
143b5 ལ། མཛུབ་མོ་དང་དབུས་མ་དེ་དག་འདུས་པའོ།། རྡོ་རྗེ་ཧཱུཾ་མཛད་ཀྱི་ལས་སོ།། མདུད་པ་བཙིར་བའོ།། ཅིག་ཅར་དུ་ཕྱག་རྒྱ་དགྲོལ་བའོ།། བཙིར་ནས་དྲལ་བའོ།། དབུས་མས་བསྣུན
143b6 ཏེ་ནམ་མཁའ་ལས་ལྷུང་བའི་ཚུལ་ལོ། ། སློང་བའི་ཚུལ་ཡང་ངོ་།། བ་དན་གསུམ་པ་གཉིས་མཉམ་པའི་མཐེའུ་ཆུང་རྩེ་མོའི་རྡོ་རྗེ་དབུས་མ་གདུད་པས་ཡོངས་སུ་བསྐོར་བ་ལ་དབང
143b7 བསྐུར་བའི་གནས་སུ་མཛུབ་མོའི་རྩེ་མོ་བཞག་པའོ། ། དབྱེ་བ་ནི་ཡི་གེ་ཧཱུཾ་གིས་སོ།། གདོན་ལས་དགྲོལ་བ་ནི་ཡི་གེ་ཧཱུཾ་གིས་སོ།། འཆི་བ་སློང་བ་ནི་ཡི་གེ་ཨ་ཡིས་སོ།། ཚེ་འཕེལ་བ
iiif viewer powered by OpenSeadragon
