| e-texts navigator |
| Wylie |
143a1 སྙིང་ཁར་བཞག་ནས་རང་གི་རྡོ་རྗེར་སྒོམ་པའོ།། རང་ཉིད་བྱང་ཆུབ་སེམས་དཔར་སྒོམ་པའོ།། རང་དེ་བཞིན་གཤེགས་པ་རྗེས་སུ་དྲན་པའོ།། རང་ཉིད་རྡོ་རྗེ་འཆང
143a2 ཆེན་པོར་རྗེས་སུ་དྲན་པའོ། ། དེ་ནས་ལས་ཀྱི་ཚོགས་ཐམས་ཅད་སྒྲུབ་པའི་ཕྱག་རྒྱའི་རྒྱུད་ནི་རྡོ་རྗེ་གར་ལས་བྱུང་བའི་ཕྱག་རྒྱ་རྡོ་རྗེ་འཆང་བདག་དང་དེ་བཞིན་གཤེགས་པ་ཐམས་ཅད་ཀྱིས་ཀྱང
143a3 དོན་ཡོད་ཅིང་ཐོགས་པ་མེད་པའོ། ། རྡོ་རྗེ་སྐུ་མཆོག་གི་གཙུག་ཏོར་གྱིས་ལས་ནི་རྡོ་རྗེ་བསྡམས་པ་བཙར་བ་དང་། དབུས་མའི་ནོར་བུ་དང་། བསྐོར་བ་དང་། སོར་མོ་ཐམས་ཅད
143a4 ཀྱི་རྡོ་རྗེ་དང་། སོར་མོ་ལྷག་པའི་འོད་ཟེར་གྱི་འཁོར་ལོའོ།། ཁྲོ་བོ་རྡོ་རྗེ་ཁུ་ཚུར་གཉིས་ཀྱིས་འཁོར་ལོ་བསྐོར་ཞིང་བསྐོར་བའོ།། ཁར་བསྐོར་བའོ།། སྙིང་ཁར་ཕབ་ཅིང་འབར་བར
143a5 བྱེད་པས་ཕྱོགས་ཐམས་དུ་རྡོ་རྗེ་འབར་བའི་ར་བ་སྟེ། ཁྲོ་བོ་ཆེན་པོ་འབར་བའི་རྡོ་རྗེ་དག་གིས་ཀྱང་འཇུག་པར་ནུས་སོ།། དམ་ཚིག་བརྗོད་པར་བྱའོ།། སྒྲུབ་པ་ལ་བརྩམ་མོ།། རྡོ་རྗེ་སེམས
143a6 དཔའི་རྡོ་རྗེ་ལྟ་བུའི་འཕྲོག་པ་རྣམས་ཀྱིས་གསུམ་དང་། བཞི་དང་། ཕྱིར་ལྡོག་པ་དང་། རྟག་ཏུ་འབྱུང་བ་དང་། དཔག་ཏུ་མེད་པ་ནི་བསྐོར་ཞིང་བཙུམ་པ་མེད་པའི་མིག་གིས་རབ་ཏུ་ཞི་བའོ།།
143a7 རྡོ་རྗེ་ཁུ་ཚུར་གཉིས་ཀྱིས་མཐེའུ་ཆུང་གི་ལྕགས་ཀྱུའི་མདུད་པ་དང་། མཛུབ་མོ་གཉིས་མཉམ་པའི་ལས་ནི་སྙིང་ཁར་རབ་ཏུ་བཞག་པའོ།། བྱབ་པའོ།། མཛུབ་མོའི་རྩེ་མོས་མནན་པར་བྱའོ།།
iiif viewer powered by OpenSeadragon
