| e-texts navigator |
| Wylie |
142b1 ལ་བསྐོར་བའོ། ། ཐམས་ཅད་བསྐོར་ནས་དབང་པོ་ཀུན་ལ་གཞག་པར་བྱའོ།། དབུ་མའི་རྡོ་རྗེ་དབང་པོ་ཐམས་ཅད་ལ་རེག་པའོ།། རང་གི་ལས་བྱས་པས་སོ།། དབང་བསྐུར་ནས་དེ
142b2 བཞིན་དུ་དངོས་གྲུབ་བྱེད་པའོ། ། ས་ལ་བཞག་ནས་བྱའོ།། ཐམས་ཅད་དུ་བསྐོར་ནས་ཡིད་ཀྱིས་སྤྲུལ་པར་བྱའོ།། འཛུམ་པ་མེད་པའི་ཁྲོ་ཞིང་འབར་ལ་གཡོས་པ་ནི་ལྔ་པའོ།།
142b3 བཟའ་བ་དང་། བཏུང་བ་དང་། རྐེད་པ་བསྐྱོད་པ་དང་། སྤྱི་བོར་བཀའ་བསྒོ་བའོ།། ཐམས་ཅད་དུ་བསྐོར་ཞིང་ཐམས་ཅད་དུ་དྲན་པའོ།། མཐེའུ་ཆུང་དང་། མཐེ་བོང
142b4 དང་། དབུས་མའི་རྡོ་རྗེ་བཞི་སྙིང་ཁར་བྱའོ།། མཛུབ་མོ་གཉིས་ཀྱིས་ཡི་གེ་ཧཱུཾ་དང་བཅས་པས་དགུག་པར་བྱའོ།། དབུས་མའི་རྡོ་རྗེས་དཔྲལ་བར་འཕྲེད་ལ་མིག་བྱེད་པས་སོ།། རང་གི་སྙིང
142b5 ཁར་བཅིངས་ལ་གཡོ་བ་མེད་ཅིང་མ་བཙུམས་པའི་ལྷ་བས་ས་འོག་ཏུ་ལྷ་ཞིང་ཧ་ཧཱུཾ་དྷི་ཞེས་བརྗོད་པར་བྱའོ། ། གནོད་སྤྲིན་ལ་སོགས་པའི་གདོང་པ་བྲིས་ནས་རྡོ་རྗེ་དགུག་པར་བྱའོ།། འོག་གི
142b6 ཕྱོགས་སུ་བཞག་ན་བརྟག་པར་འགྱུར་རོ། ། ཁའི་དབུས་སུ་ཞུགས་ན་རབ་ཏུ་ཞུགས་པར་འགྱུར་རོ།། ཕྱག་བྱས་ན་མཆོད་པར་འགྱུར་རོ།། སྙིང་ཁས་གྲུབ་པར་འགྱུར་རོ།། ཅིག
142b7 ཅར་དུ་སོར་མོ་ཐམས་ཅད་དྲལ་བ་ནི་ཡིད་ཀྱིས་ལས་སོ། ། བཅིངས་ནས་ཛཿཧཱུཾ་བཾ་ཧོཿདབུ་མ་ཕྱི་རོལ་ཏུ་བཅིངས་པས་སྤྱི་བོ་དང་། སྙིང་ཁ་དང་། ཁ་དང་། ཕྱོགས་སུ་བསྐོར་བའོ།།
iiif viewer powered by OpenSeadragon
