| e-texts navigator |
| Wylie |
141b1 པ་གཡས་པས་བཀུག་པས་རྡོ་རྗེ་པི་ཝང་སྐྱེང་ཞིང་རྡོ་རྗེ་གླུས་མངོན་པར་བསྟོད་པའོ། ། རྡོ་རྗེ་ཁུ་ཚུར་གཉིས་ཀྱི་ས་གར་བྱས་ལ་སྤྱི་བོར་རྡོ་རྗེ་ཐལ་མོ་བཅིང་བའོ།། རྡོ་རྗེ་བསྡམ་པ་ནང་དུ་བཅིངས
141b2 པའི་གཡས་པའི་མཛུབ་མོ་ལྕགས་ཀྱུའོ། ། མཐེ་བོང་གཉིས་ཀྱིས་མདུད་པའོ།། མཛུབ་མོ་དང་མཐེ་བོང་གཉིས་ཀྱིས་མདུད་པའོ།། གཉིས་ཀྱིས་ནང་དུ་མཐེ་བོང་བཅིངས་པའོ།།
141b3 དེ་ནས་གསང་བའི་དམ་ཚིག་རྣམས་ནི་བདེ་བ་ཆེན་པོའི་རྡོ་རྗེ་དམ་ཚིག་གསུང་བའི་ལྕགས་ཀྱུ་སྟེ། དེ་ལས་བྱུང་བ་ནི། མཐེབ་མཛུབ་རྩེ་སྦྱར་དབུས་མའི་རྩེ།། མིག་འབྲས་ལྷར་བྱས
141b4 འཛིན་པའོ། ། དབུས་མ་རྡོ་རྗེའི་འོག་ཏུ་ནི།། མཐེ་བོང་གིས་མནན་བཙིར་བར་བྱ།། རྡོ་རྗེ་འདྲེན་པ་དང་འདྲ་བ།། སྲིན་ལག་མཐེའུ་ཆུང་ཁ་ཕྱེ་བ།། བསྐོར་ནས་པུས་མོར་གཞག་པ
141b5 སྟེ། གཞན་རྣམས་ཐམས་ཅད་ཇི་བཞིན་བཤད།། དམ་ཚིག་གི་རྡོ་རྗེ་འབེབས་པ་མཛུབ་མོ་གཉིས་བཀུག་པ་རྡོ་རྗེ་ཁུ་ཚུར་རོ།། དེ་ལས་དམ་ཚིག་གི་ཕྱག་རྒྱ་ནི་རྡོ་རྗེ་དང་བཅས་པའི་ཁུ
141b6 ཚུར་གཉིས་ཀྱིས་སོ། ། འདི་ལྷ་སྟེ། གཡོན་པ་བསྙེམས་པས་གཡས་པ་བསྟོད་པའི་ཚུལ་གྱིས་སྙིང་ཁར་བཟུང་བ་ནི་རྡོ་རྗེ་བསྙེམས་པའོ།། བསྟོད་པ་དང་བཅས་པའི་སྙིང་ཁར
141b7 འཛིན་པའོ། ། རྡོ་རྗེ་བསྟོད་པའི་ཚུལ་ནི་ཀི་ལི་ཀི་ལའོ།། རྒྱལ་ཚན་སྒྲེང་བའོ།། བསྙེམས་པ་གཉིས་བསྟོད་པ་ནི་འདོད་པ་ཐམས་ཅད་ཀྱི་རྡོ་རྗེ་དབང་ཕྱུག་མའོ།། མཚམས་རྣམས
iiif viewer powered by OpenSeadragon
