| e-texts navigator |
| Wylie |
140b1 ཆེན་པོ་བརྟན་ཞིང་འཐོར་བར་བདག་གྱུར་ཅིག། སོ་སོར་རྟོགས་ནས་མྱུར་དུ་བསྒྲུབས་ཤིང་ཕྱག་འཚལ་ལོ།། རྡོ་རྗེ་གླུ་ནི་འདི་ཉིད་ཀྱིས།། བདེ་ཆེན་ལ་ནི་ལན་ཅིག་བསྟོད།། རྗེས་སུ་ཆགས་ནས
140b2 ཤིན་ཏུ་དགྱེས། ། བརྟན་པར་གྱུར་ནས་སྒྲུབ་པར་འགྱུར།། ཕྱག་རྒྱ་ཆེན་པོ་ལན་ཅིག་ཏུ།། སྙིང་པོས་བདག་བྱིན་བརླབ་པར་བྱའོ།། ཤིན་ཏུ་གཡོ་མེད་ལྕེ་རྩེ་དང་།། སོ་དང་མཆུ་གཉིས་ཡང་དག
140b3 ལྡན། ། རྡོ་རྗེ་དག་ནི་དབྱངས་དང་བྲལ།། རིགས་ཀུན་རབ་ཏུ་སྒྲུབ་པར་བྱེད།། རི་བི་ཏ་སོགས་ཧཱུཾ་གི་གླུ།། རྒྱན་ལྡན་ཅི་འདོད་མི་ནུས་པར།། དྲུག་ལྡན་ལ་སོགས་སྙན་པའི་གླུ།། ཅི་འདོད་གྲ
140b4 མ་ར་གའི་གླུ། ། རབ་དགའ་རྡོ་རྗེ་མཆོག་གིས་ནི།། གཱན་དྷ་ར་བ་ཡི་གླུ་མཆོག་བླང་།། ངག་འདི་ནི་མཆོག་ཏུ་གྲུབ་པ་ཡིན་ཏེ། བཟླས་པ་ཐམས་ཅད་ལ་དགོས་པ་ཇི་སྲིད་མངོན་པར་འདོད་པའི་བཟླས
140b5 པའོ། ། བཟླས་པའི་དོན་ནི་ཉེ་བའི་སྙིང་པོ་ཤེས་པ་ཡིན་ཏེ། རྡོ་རྗེ་སེམས་དཔའ་སྒྲུབ་པའོ།། ཕྱག་རྒྱ་ཆེན་པོས་རང་ལ་བྱིན་གྱིས་བརླབས་པས། རྡོ་རྗེའི་ལྟ་བས་དེ་བཞིན་དུ་ལྟ་ཞིང་རྡོ་རྗེ་བསྙེམ
140b6 པས་འཛིན་ཅིང་། ཡི་གེ་ཧཱུཾ་གི་གླུའི་བཟླས་པ་བཅོམ་ལྡན་འདས་བསྒྲུབ་པར་བྱའོ།། ལན་ཅིག་སྒྲུབ་པ་ནི་ཇི་ལྟ་བ་བཞིན་མངོན་པར་འདོད་པའི་བཟླས་པས་སོ།། དེ་ནས་དེའི་འོག་ཏུ་ཇི་ལྟར་མངོན
140b7 པར་བརྩོན་པ་དང་། ཇི་ལྟར་འདོད་པ་དང་། ཇི་ལྟར་མངོན་པར་འདོད་པ་དང་། ཇི་ལྟར་བྱིན་གྱིས་བརླབས་ནས་ཡི་གེ་ཧཱུཾ་གིས་རླུང་གི་བཟླས་པས་དགའ་བ་ཆེན་པོ་རྡོ་རྗེ་དོན་ཡོད་པའི་དགའ
iiif viewer powered by OpenSeadragon
