| e-texts navigator |
| Wylie |
139a1 དགུག། སླར་ཡང་ཉེ་བའི་སྙིང་པོ་སྒྲུབ།། སྙིང་ཁར་བརྡེག་པ་དྲག་པོ་ན།། རྗེས་སུ་ཆགས་པའི་མེ་ཡིས་གདུངས།། སྙིང་པོ་ཕྱོགས་པས་དབང་གྲུར་དགྱེས།། མྱུར།
139a2 དུ་བྱོན་ནས་འགྲུབ་པར་འགྱུར།། ཞེས་བཅོམ་ལྡན་འདས་ཆགས་པ་ཆེན་པོ་དང་བདེ་བ་ཆེན་པོ་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ།། དེ་བཞིན་དུ་དེ་བཞིན་གཤེགས་པ་ཐམས
139a3 ཅད་དང་། བྱང་ཆུབ་སེམས་དཔའི་རྡོ་རྗེ་ལ་སོགས་པ་དང་། བརྟན་པ་དང་། གཡོ་བའི་དངོས་པོ་ཐམས་ཅད་རྒྱས་བཏབ་པས་འོངས་ཏེ་མྱུར་དུ་འགྲུབ་པར་འགྱུར་རོ།། གལ་ཏེ་མ་འོངས་ན་འཇིག
139a4 པར་འགྱུར་རོ། ། བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་ཅེས་བྱ་བའི་སྙིང་པོའི་མཆོག་གི་ཕྱག་རྒྱའོ།། རྡོ་རྗེ་མཆོད་ཡོན་རྡོ་རྗེ་ཐལ་མོ་ཤིན་ཏུ་རབ་ཏུ་བརྐྱང་བའི་ཐལ་མོའོ།། དེ་ནས་དང་པོའི
139a5 རྡོ་རྗེ་ཕྱག་རྒྱའི་དབུས་མའི་རྡོ་རྗེ་གཟུང་བའི་མེ་ཏོག་གི་ལྕུག་མས་བཟླ་བར་བྱའོ། ། རྡོ་རྗེའི་ཆུ་དང་རྡོ་རྗེ་ཁུ་ཚུར་གྱིས་དབང་བསྐུར་ན་ཐམས་ཅད་བདག་པོ་ཉིད་དང་། ཚེ་འཕེལ་བ་ལ་སོགས་པའི་དངོས
139a6 གྲུབ་ཐམས་ཅད་ལ་དགོས་པ་ཡིན་པས་བཏུང་བ་བྱས་ནས་སྡུག་བསྔལ་ཐམས་ཅད་འཇོམས་པ་ཡིན་ནོ། ། དེ་ནས་དང་པོ་དཀྱིལ་འཁོར་དུ་འཇུག་པའི་ཕྱག་རྒྱ་ནི། བ་དན་གསུམ་དང་ཁ་ཊྭཱཾ་ག
139a7 བཅིངས་ནས་མི་ནུས་པར་ནི་དགའ། ། རྡོ་རྗེ་གར་བསྐོར་སྒྲོལ་བ་ཡི།། ཡོངས་སུ་བསྐོར་བ་འཛིན་པ་ཆེ།། ཀ་པུ་ཏ་ཡི་ཁ་སྦྱོར་ནི།། སྤྱི་བོར་གཞག་སྟེ་ཕབ་ནས་ཀྱང་།། སྒེག་བཅས་མཛུབ
iiif viewer powered by OpenSeadragon
