| e-texts navigator |
| Wylie |
136b1 བསྒྲུབ་པར་བྱ། ། ཞེས་བྱ་བ་ཤིན་ཏུ་གསང་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ལ་དམ་ཚིག་ཐམས་ཅད་ཀྱི་རྣལ་འབྱོར་རྗེས་སུ་སྒྲུབ་པའི་བདེ་བ་དེ་གང་ཡིན་ཞེ་ན། འདོད་པ་ཀུན
136b2 ལ་ལོངས་སྤྱོད་ཅིང་། ། ཅི་འདོད་པར་ནི་བརྟེན་པ་ཡིས།། རང་གི་ལྷ་ཡི་རྣལ་འབྱོར་གྱིས།། བདག་དང་གཞན་རྣམས་མཆོད་པར་གྱིས།། ཞེས་བྱ་བའོ།། དེ་བཞིན་གཤེགས་པ་ཐམས་ཅད
136b3 མཆོག་ཏུ་གསང་བ་བླ་ན་མེད་པའི་ཐེག་པ་ཆེན་པོའི་རྣལ་འབྱོར་བཅོམ་ལྡན་འདས་རྡོ་རྗེ་སེམས་དཔའ་མཆོག་ཏུ་བདེ་བ་ཞེས་བྱའོ། ། དེ་ལ་དམ་ཚིག་ཐམས་ཅད་རྣལ་འབྱོར་རྗེས་སུ་སྒྲུབ་པ་དེ་གང་ཡིན
136b4 ཞེ་ན། དཀའ་ཐུབ་ཉེས་པ་མི་ཟད་པས།། སྡུག་བསྔལ་ལྡན་པས་མྱུར་དུ་བསྐམས།། སྡུག་བསྔལ་གྱིས་ནི་སེམས་གཡེངས་འགྱུར།། རྣལ་འབྱོར་པ་ནི་སྦྱོར་བ་མིན།། དེ་ཕྱིར་ཅི་འདོད་ལ
136b5 སྤྱོད་པ། ། ཀུན་ཟ་དེ་བཞིན་ཐམས་ཅད་བྱེད།། ཅི་འདོད་བྱ་བ་ལ་སྤྱོད་པ།། ཅི་འདོད་པར་ནི་སྤྱོད་པ་སྤྱོད།། གང་དང་གང་དུ་འཆག་པ་དང་།། དགོད་པ་འམ་ནི་སྨྲ་བ་འམ།། གང་ཡང
136b6 དེ་རུང་ཇི་བཞིན་ཏེ། ། དཀྱིལ་འཁོར་དུ་ནི་མ་ཞུགས་པ།། སྒྲིབ་པ་རྣམས་དང་ལྡན་པ་འམ།། རང་གི་ལྷ་ཡི་རྣལ་འབྱོར་བདག། ཚིག་གིས་ཀྱང་ནི་དེ་བཞིན་འགྱུར།། དེ་ཉིད་རྣལ
136b7 འབྱོར་འདི་ཡིས་ནི། ། ཐམས་ཅད་ཉིད་ནི་བསྒྲུབ་པ་བྱ།། ངན་སྤྱོད་སྡིག་པ་ཐམས་ཅད་ཀྱིས།། རྣམ་པ་ཀུན་ཏུ་གནོད་མི་འགྱུར།། འདོད་པ་ཆེན་པོ་ཀུན་བདག་ཉིད།། དབང་ཕྱུག་དམ
iiif viewer powered by OpenSeadragon
