| e-texts navigator |
| Wylie |
135b1 བ་ནི་གསང་བའི་དམ་ཚིག་གི་རྣལ་འབྱོར་ཏེ་ཤིན་ཏུ་མཆོག་ཏུ་རབ་ཏུ་གྲུབ་པའོ། ། འདོད་པ་ཀུན་ལ་ལོངས་སྤྱོད་ཅིང་།། ཅི་འདོད་པར་ནི་བརྟེན་པ་ཡིས།། རྣལ་འབྱོར་དག་ནི་འདི་དག་གིས།།
135b2 རང་གི་བདག་ཉིད་རབ་མཆོད་བྱ།། ཞེས་བྱ་བ་འདི་ནི་དེ་བཞིན་གཤེགས་པ་ཐམས་ཅད་ཀྱི་ཤིན་ཏུ་གསང་བ་བླ་ན་མེད་པ་ཐེག་པ་ཆེན་པོའི་དམ་ཚིག་ཆེན་པོའི་རྣལ་འབྱོར།། དེ་བཞིན་གཤེགས་པ་ཐམས
135b3 ཅད་ཀྱི་དཔལ་གྱི་རང་གི་དམ་ཚིག་རྣལ་འབྱོར། དགའ་བ་ཆེན་པོའི་དཔལ་རྡོ་རྗེ་དོན་ཡོད་པའི་དགའ་བའི་དམ་ཚིག་རྣལ་འབྱོར་ཐམས་ཅད་ཀྱི་བླ་ན་མེད་པའི་བཅུད་ཀྱིས་ལེན་གྱི་མཆོག་གི་དངོས་གྲུབ་ཀྱི
135b4 རྣལ་འབྱོར་གྱི་རྒྱལ་པོ་དེ་བཞིན་གཤེགས་པ་བཅོམ་ལྡན་འདས་དཔལ་རྡོ་རྗེ་སེམས་དཔའ་འོ། ། རྡོ་རྗེ་སེམས་དཔའི་མཆོག་གི་ཚེ་དང་། ན་ཚོད་གཞོན་པ་དང་། ནད་མེད་པ་དང་། གཟུགས་དང་།
135b5 ཁ་དོག་དང་། གཟི་བརྗིད་དང་། མཐུ་དང་། སྟོབས་དང་། སྤྲོ་བ་དང་། དངོས་གྲུབ་མཆོག་ཐམས་ཅད་དང་། དཔལ་དང་། སྐལ་བ་བཟང་པོ་དང་། དགའ་བ་ཆེན་པོ་དང་། ཤིན་ཏུ་བདེ
135b6 བ་དང་། ཡིད་བདེ་བ་ཐམས་ཅད་ལ་དམ་པ་མཆོག་ཏུ་འགྲུབ་པའོ།། ཇི་སྲིད་མ་ལུས་ཤིང་ལུས་པ་མེད་པ་ལུས་པའི་དངོས་གྲུབ་ཆེན་པོ་དམ་པ་ཐམས་ཅད་ཀྱི་དབང་ཕྱུག་ཆེན་པོའི་བདག་ཉིད་ལ
135b7 སོགས་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་མཆོག་ཏུ་གྲུབ་པ་སྟེ། རྒྱས་བཏབ་པ་ཙམ་གྱིས་སྐར་ཅིག་གིས་རབ་ཏུ་གྲུབ་པ་ཡིན་ནོ།། དེའི་རྒྱུ་གང་གི་ཕྱིར་ཞེ་ན། འདི་ལྷ་སྟེ། སྤྱོད་པ
iiif viewer powered by OpenSeadragon
