| e-texts navigator |
| Wylie |
134b1 ཏུ་སྦྱོར་བ་ཡིན་ཞེ་ན། རང་གི་ལྷག་པའི་ལྷ་རྗེས་སུ་དྲན་པའི་རྣལ་འབྱོར་རྗེས་སུ་བསྒྲུབས་པས་རང་གི་ལྷག་པའི་ལྷའི་རྣལ་འབྱོར་བསྒྲུབ་པའི་སྦྱོར་བ་བྱ་ཞེས་བྱའོ།། དེ་ལ་ཇི་ལྟར་ཐམས་ཅད་ཀྱི་རྣལ
134b2 འབྱོར་ཡིན་ཞེ་ན། དམ་ཚིག་གི་རྣལ་འབྱོར་ནི་ཐམས་ཅད་ཀྱི་རྣལ་འབྱོར་ཞེས་བྱ་བ་ཡིན་ནོ།། དེ་བཞིན་གཤེགས་པ་ཀུན་གྱིས་ཀྱང་།། འདའ་བ་རུ་ནི་མི་མཛད་པས།། ཕྱག་རྒྱ་དམ་ཚིག་ཅེས་སུ
134b3 བསྒྲགས། ། ཡིད་ཀྱི་གཟུགས་ནི་བརྟན་ཕྱིར་རོ།། ཞེས་བྱ་བ་ནི་དམ་ཚིག་གི་དོན་ཏོ།། དེ་ལ་རྗེས་སུ་སྒྲུབ་པའི་རྣལ་འབྱོར་ནི་དམ་ཚིག་གི་རྣལ་འབྱོར་ཏེ། ཐམས་ཅད་ཀྱི་རྣལ་འབྱོར་ཞེས་བྱའོ།།
134b4 འའདི་ལྟ་སྟེ། རྫས་མང་པོ་ཡང་དག་པར་སྦྱར་བས་སྦྱོར་བ་ཞེས་བྱ་བ་གྲུབ་པ་དེ་བཞིན་དུ། ཐམས་ཅད་ཀྱི་བདག་ཉིད་ཀྱི་ཕྱག་རྒྱའི་སྦྱོར་བས་དག་པར་ཀུན་ཏུ་སྦྱོར་བས་ན་ཐམས་ཅད་ཀྱི་རྣལ་འབྱོར་ནི་དག
134b5 ཚིག་གི་རྣལ་འབྱོར་རོ། ། དེ་ལ་ཇི་ལྟར་ན་ཐམས་ཅད་ཀྱི་བདག་ཉིད་ཀྱི་རྣལ་འབྱོར་ཡིན་ཞེ་ན། སངས་རྒྱས་ཀུན་བདག་ཡང་དག་སྦྱོར།། ཇི་ལྟའི་དབྱིབས་དང་སྐུ་དང་ལྡན།། བདག་ཉིད་བདག
134b6 ཉིད་ལ་ནི། ། བཀོད་ནས་རྗེས་སུ་བསྒྲུབ་པར་བྱ།། ཞེས་བྱ་བ་ནི་རང་གི་དམ་ཚིག་རྣལ་འབྱོར་ཐམས་ཅད་ཀྱི་རྣལ་འབྱོར་ཞེས་བྱའོ།། དེ་ལ་རྗེས་སུ་སྒྲུབ་པ་ནི།། ལྷག་པའི་ལྷ་ནི་གང་གང་གིས
134b7 ཕྱག་རྒྱ་གང་དང་གང་འཆིང་བ། དེ་དང་དེ་ཡི་རྣལ་འབྱོར་གྱིས།། ཕྱག་རྒྱ་དེ་དང་དེར་སྦྱོར་བྱ།། ཞེས་བྱ་བའོ།། གནས་མཆོག་ཏུ་གསང་བའི་རབ་མཆོག་གི་རྗེས་སུ་སྒྲུབ་པའི་ཚི་ག་རྫས་པ
iiif viewer powered by OpenSeadragon
