| e-texts navigator |
| Wylie |
134a1 ཤིན་ཏུ་མཆོག་ཏུ་གྲུབ་པ་ནི། རྡོ་རྗེ་དྲིལ་བུ་ཀུན་བདག་ཉིད།། སྣ་ཚོགས་ཕྱག་རྒྱའི་སྐུར་བདག་ལྡན།། ཕྱག་རྒྱ་ཀུན་གྱི་རྣལ་འབྱོར་བདག། རྡོ་རྗེ་སེམས་དཔའ་ཉིད་དུ་འགྱུར།
134a2 གྲུབ་པའི་ཆོ་ག་འདི་ཡིས་ནི།། རྡོ་རྗེ་སེམས་དཔའ་ཡང་དག་བསྡུས།། ཀུན་མཆོག་དངོས་གྲུབ་ཆེན་པོ་ཡི།། དབང་ཕྱུག་ཆེན་པོ་ཉིད་བྱིན་བརླབས།། དོན་ཡོད་རབ་ཏུ་བདག་བྱིན་བརླབས།། རང
134a3 བཞིན་གྱིས་ནི་ཐམས་ཅད་དུ། ། མདོར་ན་ཕྱག་རྒྱ་ཐམས་ཅད་ནི།། དངོས་གྲུབ་ལས་དང་དེ་བཞིན་བདེ།། ཐམས་ཅད་བྱིར་རླབས་སྒྲུབ་པ་ཡི།། མི་འགྱུར་བ་ནི་ཀུན་སྒྲུབ་བྱེད།། ཅེས་བྱ་བ་བཅོམ
134a4 ལྡན་འདས་རྡོ་རྗེ་སེམས་རཔས་གསུངས་སོ། ། དཔལ་མཆོག་དང་པོ་ལས། དངོས་གྲུབ་ཐམས་ཅད་བྱིན་གྱིས་བརླབ་པའི་ཆོ་ག་མཆོག་ཏུ་གསང་པ་ཞེས་བྱ་བའོ།། ། དེ་ནས་ཡང་མཆོག་ཏུ
134a5 གསང་བའི་རྣལ་འབྱོར་ཐམས་ཅད་ཀྱི་ཆོ་ག་རྗེས་སུ་བཤད་པར་བྱའོ་ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དེ་ལ་ཐོག་མ་ཁོ་ནར་རེ་ཞིག་དོན་ཡོད་ཆེར་ནི་རྣལ་འབྱོར་གྱི་སྐད
134a6 ཀྱི་དབྱངས་སོ། ། འདི་ཡང་བརྩོན་པ་ཡིན་ནོ་ཞེས་བྱ་བ་ནི་སྐད་ཅིག་དབྱིངས་ཀྱི་དོན་ཏོ།། གང་ཞིག་བརྩོན་པ་ཡིན་ཞེ་ན། སྨྲས་པ། རང་གི་ལྷག་པའི་ལྷ་རྗེས་སུ་དྲན་པར་སྦྱོར་བས་ན་རྣལ་འབྱོར
134a7 རོ། སླར་ཡང་གཞན་ནི་ཡང་དག་པར་བསྡུ་བ་དང་། ཡང་དག་པར་ཀུན་ཏུ་སྦྱོར་བ་དང་། ཡང་དག་པར་སྦྱོར་བ་ཞེས་བྱ་བ་ནི་རྣལ་འབྱོར་བརྗོད་པའི་རྣམ་གྲངས་སོ།། གང་ཡང་དག་པར་ཀུན
iiif viewer powered by OpenSeadragon
