| e-texts navigator |
| Wylie |
132b1 དེ་ནི། ། ཉི་མ་འདི་ནི་དམ་པ་སྟེ།། དེ་བཞིན་གཤེགས་པ་ཐམས་ཅད་མཐོང་།། ནམ་མཁའི་སྙིང་པོ་བཅོམ་ལྡན་འདས།། བསམ་པ་ཐམས་ཅད་ཡོངས་རྫོགས་མཛད།། དེ་ནས་ཆོས་ཀྱི་རིན་པོ
132b2 ཆེའི་དྲིལ་བུ་ནི། བསམ་པ་གྲུབ་པ་ཐམས་ཅད་ཀྱི།། ནོར་གྱི་བསམ་པ་གྲུབ་པ་མཆོག། དེ་ཡང་འདོད་པ་རབ་སྒྲུབ་ཕྱིར།། འདོད་ལས་ཐར་པ་བདེ་བ་ཆེ།། ཞེས་བྱའོ།། དམན་མིན་རྣམས
132b3 ནི་སྦྱིན་བྱའོ། ། འདོད་པ་ཀུན་གྱི་བདེ་བ་རྣམས།། བདག་ཉིད་དང་གཞན་རྣམས་ལ་ནི།། བསམ་པ་ཐམས་ཅད་རྫོགས་ཕྱིར་རོ།། ཞེས་བྱ་བ་ནི་དམ་ཚིག་གི་མཆོག་གོ།། དམ་ཆོག་འདི་ཡིས
132b4 མཆོག་ཏུ་ནི། ། རྡོ་རྗེ་སེམས་དཔའ་བདེ་བ་ཆེ།། མྱུར་དུ་ཡང་དག་དམ་པ་མཆོག། མི་འགྱུར་མཆོག་ནི་གྲུབ་པར་མཛོད།། དེ་ལྟར་གསང་བ་མཆོག་གི་ཚུལ་དག་ནི།། ཇི་བཞིན་ཆོ་ག་མཆོག་ཏུ་རྒྱས
132b5 པ་སྟེ། ། མཆོག་ཆེན་དེས་ནི་རྟོག་པ་ཐམས་ཅད་ཀྱི།། ཁྱད་པར་དངོས་གྲུབ་ཐམས་ཅད་འགྲུབ་པར་འགྱུར།། དཔལ་མཆོག་དང་པོ་ལས། རྟོག་པ་ཐམས་ཅད་ཀྱི་སྒྲུབ་པའི་ཆོ་གའོ།།
132b6 ། དེ་ནས་གྲུབ་ཆེན་ཐམས་ཅད་ཀྱི།། སྒྲུབ་པའི་མཆོག་ནི་བདེ་བ་ཆེ།། རྡོ་རྗེ་སེམས་དཔའ་ཕྱག་རྒྱ་སྟེ།། རྟོག་པ་ཀུན་མཆོག་གྲུབ་པའི་ཕྱིར།། སྣོད་མ་ཡིན་པའི་སེམས་ཅན་གང་།། སྡིག་པ
132b7 ཐམས་ཅད་བྱེད་རྣམས་ལ། ། མཐོང་བ་ལ་སོགས་སེམས་ཅན་དོ།། སེམས་དཔའ་ཆེན་པོས་མཛད་པ་ཡིན།། མཐོང་མེད་ལོང་བ་དེ་རྣམས་ནི།། བསོད་ནམས་མེད་ཚོགས་རྟགས་ལྡན་ལ།། རྡོརྗེ
iiif viewer powered by OpenSeadragon
