| e-texts navigator |
| Wylie |
132a1 དེ་ནི་བརྟག་བྱས་ནས།། གསང་བའི་དཀྱིལ་འཁོར་དམ་པ་ནི།། མཚོན་ཆ་མཆོག་གི་ཆོ་ག་ཡིས།། ཐམས་ཅད་བྱས་ནས་འདི་བརྗོད་བྱ།། དེ་ཉིད་སངས་རྒྱས་བཅོམ་ལྡན་འདས
132a2 སྤྱན་རས་གཟིགས་ཀྱི་དབང་ཕྱུག་སྟེ། ། འདུལ་བའི་ཐབས་ཀྱིས་དག་པ་ཡིན།། རོལ་མོའི་གར་གྱིས་མཛད་པ་ཡིན།། ཞེས་བྱ་བ་ནི་མཆོག་གི་རྡོ་རྗེ་སྟེ། ཇི་ལྟར་པདྨ་དམར་པོ་ནི།། གནས་ཀྱི
132a3 ཉེས་པ་སྣ་ཚོགས་ཀྱིས། ། ཚོན་གྱི་ཉེས་པས་མི་གོས་པ།། དེ་བཞིན་ཁམས་གསུམ་དག་པའོ།། ཞེས་བྱ་བ་ནི་མཆོག་ཏུ་གསང་བའི་ཆོས་ཉིད་ཀྱི་དྲིལ་བུའོ།། ཆོ་ག་གང་དང་གང་དག་གིས།། འགྲོ
132a4 བ་རྣམས་ཀྱི་འདུལ་འགྱུར་བ། ། པདྨ་དག་མཆོག་རྣལ་འབྱོར་བདག། དེ་དང་དེ་ཡི་བདག་པོར་བྱ།། ཞེས་བྱ་བ་ནི་རྡོ་རྗེ་ཐམས་ཅད་ཀྱི་ཆོས་ཀྱི་དམ་ཚིག་གོ།། དེ་ནས་ཇི་ལྟ་བ་བཞིན་དུ་པདྨ་གར་གྱི
132a5 མཆོད་པས་མཆོད་ལ། ཆོ་ག་ཐམས་ཅད་རྗེས་སུ་སྤྱད་པར་བྱའོ།། དེ་ནས་བཅོམ་ལྡན་འདས་ནམ་མཁའི་སྙིང་པོ་དོན་ཐམས་ཅད་འགྲུབ་པའི་ཆོ་ག་སྟེ། ཉི་མའི་དཀྱིལ་འཁོར་བྲིས་ནས་ནི།།
132a6 རས་རིས་དེ་ནི་བློ་གྲོས་ཆེ།། ལྗང་ཁུ་བཻ་ཌཱུཪྻ་དང་མཚུངས།། ནམ་མཁའི་སྙིང་པོ་བྲི་བར་བྱ།། དེ་ཡི་འོད་ཀྱི་འཁོར་ལོར་བརྟེན།། དབང་བསྐུར་མ་དང་གཏེར་མ་དང་།། རྒྱལ་མཆོག་མང
132a7 བ་མཆོད་པའོ། ། གསང་བའི་དཀྱིལ་འཁོར་དམ་པ་དེའི།། འཁོར་ལོ་བརྟག་པར་བྱས་ནས་ནི།། མཚོན་ཆ་མཆོག་གི་ཆོ་ག་ཡིས། ཆོ་ག་རྒྱས་པ་ཇི་བཞིན་པའོ།། དེ་ནི་རྡོ་རྗེ་མཆོག
iiif viewer powered by OpenSeadragon
