| e-texts navigator |
| Wylie |
131b1 ཉིད་དུ་འགྱུར། ། དེ་བྱིན་བསོད་ནམས་ཚོགས་རྫོགས་ཏེ།། ཚོགས་ལས་དངོས་གྲུབ་མཆོག་ཏུ་འགྱུར།། དེང་ཁྱོད་སྐྱེ་བ་འབྲས་བུར་བཅས།། གང་ཕྱིར་འདི་ལ་རབ་ཏུ་གནས།། དམ་ཚིག།
131b2 རྒྱལ་པོ་དང་མཉམ་པར།། སངས་རྒྱས་ཀུན་གྱིས་བྱིན་གྱིས་བརླབས།། སངས་རྒྱས་རྡོ་རྗེ་འཛིན་རྣམས་ཀྱིས།། དེ་རིང་ཁྱོད་ལ་དབང་བསྐུར་བས།། ཁམས་གསུམ་གྱི་ནི་རྒྱལ་སྲིད་ཆེའི།།
131b3 སྟོབས་དཔལ་འཁོར་ལོ་སྒྱུར་བ་ཡིན།། རྡོ་རྗེ་དམ་པའི་གསང་མཆོག་རྣལ་འབྱོར་མའི།། མཆོག་གི་དམ་ཚིག་གསང་བ་མཐོང་ནས་ནི།། བདུད་ལ་སོགས་པའི་ཤ་ཡང་ཟོས་ནས་ནི།།
131b4 དེ་བཞིན་གཤེགས་སྦྱོར་ཐོབ་ནས་ཁྱོད་གྲུབ་ཡིན།། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དཔལ་མཆོག་དང་པོ་ལས། མཆོག་ཏུ་གསང་བའི་རྡོ་རྗེ་རྣལ་འབྱོར་གྱི
131b5 མཁའ་འགྲོ་མ་དཀྱིལ་འཁོར་གྱི་ཆོ་ག་ཤིན་ཏུ་གྲུབ་པའོ། ། དེ་ནས་འཕགས་པ་སྤྱན་རས་གཟིགས་ཀྱི་དབང་ཕྱུག་གི་མཆོག་ཏུ་གསང་བ་འགྲོ་བ་འདུལ་བའི་ཆོ་ག་ནི། རས་ལ
131b6 བཅོམ་ལྡན་བྲི་བར་བྱ། ། པདྨ་གར་གྱི་དབང་ཕྱུག་གཙོ།། གློག་གི་འཁོར་ལོ་ཡོངས་འཁོར་བའོ།། འཁོར་བའི་རྣམ་འཕྲུལ་གར་རྣམས་ཀྱིས།། པདྨ་ལ་སོགས་ཕྱག་མཚན་བྲི།། ཕྱག
131b7 རྒྱ་འཁོར་ལོ་ལྟར་མཛད་པ། ། དེ་ཡི་ལོགས་ནི་ཐམས་ཅད་ལ།། ཁྲོ་གཉེར་མ་སོགས་བྲི་བར་བྱ།། དྲག་པོ་ལ་སོགས་ཕྱག་མཚན་གཟུགས།། པདྨའི་ལྷ་མོར་པདྨ་བཅས།། དཀྱིལ་འཁོར།
iiif viewer powered by OpenSeadragon
