| e-texts navigator |
| Wylie |
129b1 ། གར་བྱས་སྤྱི་བོར་ཐལ་སྦྱར་མཆོད།། སློབ་མ་ཐམས་ཅད་གཞུག་པར་བྱ།། ཅི་འདོད་པ་ཡི་དངོས་གྲུབ་བསྐྱེད།། སློབ་མ་མེ་ཏོག་དོར་དུ་གཞུག། རྣལ་འབྱོར་མ་ནི་གང་ལ་བབས།། དེ་དང
129b2 དེ་ཡི་ལྷ་མོ་འགྲུབ། ། དེ་ནས་གདོང་གཡོགས་བཀྲོལ་ནས་ནི།། རྣམ་པ་ཀུན་ཏུ་ཡོན་བླངས་ནས།། རྡོ་རྗེ་པདྨའི་དབང་བསྐུར་གྱིས།། དམ་ཚིག་གསུམ་ནི་གསལ་བར་སྦྱིན།། འདིར་མནའ
129b3 བསྒག་པ་དང་དབང་བསྐུར་བ་ནི་དེ་ཉིད་དོ། ། དེ་ལ་འདིར་དམ་ཚིག་གསུམ་སྦྱིན་པ་ནི་འདི་ཡིན་ཏེ། མི་བྱེད་པ་དང་སོ་སོར་རྟོགས།། གདུག་པ་ཐམས་ཅད་གནོན་པ་དང་།། སངས་རྒྱས་ཀུན
129b4 དངོས་རྡོ་རྗེ་སྟེ། ། བྱང་ཆུབ་སེམས་ནི་ཆེ་ཞིང་བསྟན།། མཚོན་ཆ་དེ་ནི་རྒྱལ་ཀུན་གྱིས།། ཀུན་ཏུ་བཟང་པོའི་ལག་ཏུ་སྦྱིན།། བསྟན་པ་ཐམས་ཅད་གྲུབ་པའི་ཕྱིར།། དེ་ཕྱིར་ཕྱག་ན་རྡོ་རྗེ་ཡིན།།
129b5 དེ་ནས་རྡོ་རྗེ་ཉི་མ་མེ་ལྷར་འབར་བའི་མཆོག་ཏུ་གསང་བ་ནི། རྟག་ཏུ་ཆགས་པ་ལས་བྱུང་ཁྲོ།། རྡོ་རྗེ་སེམས་དཔའ་གདུལ་བྱའི་ཕྱིར།། རྡོ་རྗེ་ཉི་མ་མེ་ལྟར་འབར།། མཆོག་ཏུ་འཇིགས་པར
129b6 བྱེད་པ་ཡིན། ། དེ་ནས་མཆོག་ཏུ་གསང་བའི་རྡོ་རྗེ་རྣལ་འབྱོར་གྱི་མཁའ་འགྲོ་མ་རྣམས་ཀྱི་གསང་བ་ནི། རྡོ་རྗེ་ཉི་མ་འཆར་ལས་བྱུང་།། དེ་བཞིན་གཤེགས་པའི་གྲིབ་མ་འདི།། སྤྲུལ་ཏེ་མ
129b7 ལུས་བདུད་ལ་སོགས། ། གདུག་པའི་ཁྲག་ནི་གསོལ་བར་སྤྱོད།། ཅེས་བྱ་བ་ནི་གསང་བ་མཆོག་གི་དེ་ཁོ་ན་ཉིད་དོ།། དེ་ནས་འདིར་མཆོག་ཏུ་གསང་བའི་ཆོས་ཉིད་འབེབས་པའི་དྲིལ་བུ་ནི། ཤིན
iiif viewer powered by OpenSeadragon
