| e-texts navigator |
| Wylie |
129a1 ཆོས་དབྱིངས་མཉམ་དང་མི་མཉམ་པས།། ནམ་མཁའི་ཁམས་ལྟར་གྲངས་མེད་ཅིང་།། ནམ་མཁའ་ཀུན་གྱིས་གནས་སྐབས་ཀྱིས།། དཀྱིལ་འཁོར་འདི་ལ་རབ་ཞུག
129a2 ། རྡོ་རྗེ་མཆོག་གི་རྣལ་འབྱོར་གྱི།། དབང་ཕྱུག་མ་ལུས་ཀུན་ནས་འབེབས།། དེ་ནས་རྡོ་རྗེ་རྣལ་འབྱོར་པ་སྟོན་པ་དེས་རྣལ་འབྱོར་པ་རང་གི་ལོགས་དག་ཏུ་དགོད་པ་ཡིན་ཏེ། ཟླ་ཆོས་དཀྱིལ
129a3 འཁོར་རྣམ་པ་ཡི། ། དཀྱིལ་འཁོར་དུ་ནི་དགོད་པར་བྱ།། བཀོད་ནས་ཐམས་ཅད་ཀུན་མཆོག་གི། དངོས་གྲུབ་དམ་པ་བསྒྲུབ་པར་བྱ།། ཐམས་ཅད་དགུག་དང་མཆོད་པ་ཆེ།། བདག་བྱིན་རླབ
129a4 སོགས་སྒྲུབ་པ་ཡིས། ། ཤིན་ཏུ་གསང་བའི་དཀྱིལ་འཁོར་དེ།། བརྟག་པ་དང་ནི་བསྒྲུབས་ནས་ཀྱང་།། རྡོ་རྗེ་འཛིན་ཀུན་སློབ་དཔོན་གྱིས།། རྡོ་རྗེ་སློབ་མ་རྣམས་གཞུག་བྱ།། དེ་ལ་རེ་ཞིག་ཐོག
129a5 མ་ཁོ་ནར་སློབ་དཔོན་གྱིས་བཅུག་སྟེ། ཚོགས་ཀྱི་དཀྱིལ་འཁོར་དུ་དམ་ཚིག་གསུམ་གྱིས་བྱིན་གྱིས་བརླབས་ཀྱིས། རྡོ་རྗེ་རྣལ་འབྱོར་མ་རྣམས་ལོགས་དག་ཏུ་བཞག་ནས། སྐྱེས་པ་རྣམས་ཀྱང
129a6 གཞུག་ཅིང་བྱང་ཆུབ་ཀྱི་སེམས་ཀྱིས་རྡོ་རྗེ་ཆེན་པོའི་ཁྲོ་བོའི་དམ་ཚིག་དང་སྡོམ་པ་དག་ལེན་དུ་གཞུག་པར་བྱའོ། ། ཁྱེའུ་དང་བུ་མོ་རྣམས་རབ་ཏུ་གཞག་ལ་ཚོགས་དང་བཅས་པའི་རང་ཉིད་ཀྱིས་ཞུགས
129a7 ཏེ་བསྲུང་བ་དང་། བསྐྱབ་པ་དང་། སྦ་བ་ཐམས་ཅད་བྱའོ།། དེ་ནས་འདིར་སློབ་མ་གཞུག་པའི་ཆོ་ག་རྒྱས་པ་ནི། བྱང་ཆུབ་སེམས་ནི་བླ་མེད་པ།། མཆོག་ཏུ་བསྐྱེད་པར་བྱས་ནས་ནི།།
iiif viewer powered by OpenSeadragon
