| e-texts navigator |
| Wylie |
127a1 སོ། ། དེ་ཉིད་ཀྱིས་ནི་རྡོ་རྗེ་གཟུང་།། ཆོས་ཀྱི་དྲིལ་བུ་དཀྲོལ་བར་བྱའོ།། དམ་ཚིག་གིས་ནི་ཕྱག་རྒྱ་ཆེ།། བྱིན་གྱིས་བརླབས་ནས་སྙིང་པོ་བཛྲ།། རྡོ་རྗེ་ལ་སོགས་ཐོབ་པར།
127a2 བཟུང་།། རྡོ་རྗེ་སེམས་དཔའ་གཉིས་པ་འདྲ།། རྡོ་རྗེ་རྣལ་འབྱོར་དབང་ཕྱུག་གྲུབ།། རྡོ་རྗེ་ཅན་གྱིས་བྱིན་བརླབས་འགྱུར།། བུད་མེད་རྣམས་ཀྱང་འབེབས་གྱུར་ནས།། སྟོན་པའི་རྡོ་རྗེ་ཕབ་པ
127a3 ཡིས། ། རྡོ་རྗེ་དང་བཅས་ཕྱག་མཚན་འཛིན།། རྣལ་འབྱོར་མ་རྣམས་རབ་ཏུ་འགྱུར།། དེ་ལ་ཐོག་མར་རེ་ཞིག་རྡོ་རྗེ་ཉི་མ་མེ་ལྟར་འབར་བ་ཆེན་པོ་ཐལ་བར་རབ་ཏུ་རློག་པ་ཞེས་བྱ་བ། དེ་བཞིན
127a4 གཤེགས་པ་ཐམས་ཅད་ཀྱི་རྡོ་རྗེ་ཆེན་པོའི་ཁྲོ་བའི་རྒྱལ་པོའི་བདག་པོ་མཆོག་དང་པོ་ཡང་དག་པར་འབེབས་པར་བྱེད་པ་སྟེ། དེ་བཞིན་གཤེགས་པ་ཐམས་ཅད་ཀྱི་ཐུགས་རྗེ་ཆེན་པོའི་ཐབས་ཀྱིས་འཁོན
127a5 དུ་འཛིན་པའི་ཁྲོ་བོའི་མེ་འབར་བའི་རྡོ་རྗེ་རྡོ་རྗེ་དང་བཅས་པའི་ཁ་ཊྭཱཾ་གའི་རྒྱལ་མཚན་དང་ངེས་པར་སྦྱོར་བ། བ་དན་དང་བཅས་པའི་དྲིལ་བུ་འཆང་བ། རྡོ་རྗེ་བསྙེམས་པའི་བདག་པོ་ཤིན་ཏུ་ཁྲོ་བ་འབེབ
127a6 པབས་སྒེག་པ་དང་བཅས་པའི་སྨིན་མཚམས་ཀྱི་ཁྲོ་གཉེར་ཤིན་ཏུ་འཇིགས་པར་བྱེད་པའི་སྤྱན་སེར་པོ་དང་ལྡན་པའོ། ། དེ་བཞིན་གཤེགས་པ་ཐམས་ཅད་རྡོ་རྗེའི་འཇིགས་པ་ཆེན་པོས་འཇིགས་པར
127a7 བྱེད་པའི་སྤྱན་གྱིས་བལྟ་བའི་ཕྱག་རྒྱ་འདིས་སྟོང་ཕྲག་བརྒྱ་བཟླས་པས་འགྲུབ་པར་མཛད་དོ། ། དེ་བཞིན་གཤེགས་པ་ཐམས་ཅད་རྗེས་སུ་ཆགས་པ་དང་། དགུག་པ་དང་། གཞུག་པ་དང་།
iiif viewer powered by OpenSeadragon
