| e-texts navigator |
| Wylie |
126b1 རྡོ་རྗེ་ཕྱག་རྒྱ་ཕྱག་རྒྱ་སྟེ། ཕྱག་རྒྱ་ཐམས་ཅད་དང་། གཞན་རྨོངས་པ་དང་། ཐོགས་པ་མེད་པའི་དངོས་གྲུབ་ཐམས་ཅད་དང་། ལས་ཐམས་ཅད་ལ་དགོངས་ཤིང་མཆོག་ཏུ་གྲུབ་པའོ།།
126b2 ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔའ་མཆོག་ཏུ་གསང་བས་འདི་གསུངས་སོ།། དེ་ནས་ཡིད་འོང་དམ་བཅས་པས།། མེ་ཏོག་སིལ་མ་དོར་ནས་ནི།། རྡོ་རྗེ་པདྨའི་དབང་བསྐུར་གྱིས
126b3 དམ་ཚིག་གསུམ་ནི་གསལ་བར་སྦྱིན། ། དེ་ལ་རྡོ་རྗེ་སེམས་དཔའི་ཕྱག་རྒྱ་འདི་ཡིན་ཏེ། པདྨའི་ཐོད་པ་ལ་བྱ་སྟེ། དེའང་རྡོ་རྗེར་བྱིན་གྱིས་བརླབས་པས་ན་རྡོ་རྗེ་པདྨ་ཞེས་བྱ་བའོ།། དེ་ནས་འདིར
126b4 ཕྱག་རྒྱ་བཅིང་བ་ནི། སོར་མོ་ཐམས་ཅད་ཕན་ཚུན་སྦྱར།། ཀུན་མཆོག་རྩེ་མོ་དང་བཅས་པ།། མཐེ་བོང་རྡོ་རྗེ་བཀབ་པ་ནི།། རྡོ་རྗེ་པདྨ་ཞེས་གྲུབ་བོ།། རྡོ་རྗེ་པདྨའི་ཕྱག་རྒྱ་འདིས།། རྡོརྗེ
126b5 སེམས་དཔའ་དབང་བསྐུར་བའི་སྦྱོར་བ་དང་། རྡོ་རྗེ་པདྨའི་རིན་པོ་ཆེའི་ཅོད་པན་གྱིས་དབང་བསྐུར་བར་བྱའོ།། འདིས་དབང་བསྐུར་པ་ཙམ་གྱིས་དེ་བཞིན་གཤེགས་པ་རྣམས་ཀྱིས་ཤིན་ཏུ་གདུག་པ
126b6 དང་། དྲག་པ་དང་། རབ་ཏུ་གཏུམ་པ་དང་། མ་རུངས་པའི་སེམས་ཅན་ཐལ་བར་བརླག་ནས། ཁམས་གསུམ་མ་ལུས་པའི་སྟོབས་ཆེན་པོ་དང་ལྡན་པའི་འཁོར་ལོས་སྒྱུར་བའི་དེ་བཞིན
126b7 གཤེགས་པ་ཐམས་ཅད་ཅེས་བྱ་བར་བྱིན་གྱིས་རློབ་པར་འགྱུར་བ་དང་། མཆོག་ཏུ་བརྟག་པའི་སྲུང་བར་ཡང་འགྱུར་རོ་ཞེས་མཆོག་ཏུ་གསང་བ་བཅོམ་ལྡན་འདས་རྡོ་རྗེ་སེམས་དཔས་གསུངས
iiif viewer powered by OpenSeadragon
