| e-texts navigator |
| Wylie |
125a1 ཀྱང་། ། བཟའ་མིན་པ་ཡང་བཟའ་བྱས་ན།། རྟག་པའི་དངོས་གྲུབ་ཐོབ་པར་འགྱུར།། ཞེས་བྱ་བ་ནི་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བའི་དམ་ཚིག་ཆེན
125a2 པོ་གསུམ་མོ། ། དེ་ལྟར་བརྗོད་ནས་སྙིང་པོ་བྱིན་ལ། ཕྱག་རྒྱ་བཅིང་བ་སློབ་ཏུ་བཅུག་ནས་ཇི་ལྟར་མངོན་པར་འདོད་པར་བསྒྲུབ་པར་བྱའོ།། དེ་ནས། རྡོ་རྗེ་འཛིན་པ་སློབ་དཔོན་གྱིས།། རྡོ་རྗེ་མཆོད
125a3 བས་མཆོད་ནས་ནི། ། ཅི་འདོད་པ་ཡི་མཆོད་པ་ཡིས།། སློབ་མ་ཐམས་ཅད་མཆོད་དུ་གཞུག། ལོངས་སྤྱོད་ཀུན་ལ་ལོངས་སྤྱོད་ཀྱང་།། དཀོན་མཆོག་གསུམ་པོ་ལ་ཕུལ་བས།། འདོད
125a4 པས་བདག་ཀྱང་གཞན་རྣམས་ལ། ། མཆོད་པ་ཉིད་དུ་འགྲུབ་པར་འགྱུར།། དཔལ་མཆོག་དང་པོ་ལས། མཆོག་ཏུ་གསང་བའི་ཆོ་གའོ།། །། དེ་ནས་རྡོ་རྗེ་ཆེན་པོ་ཁྲོ་བོའི་རྒྱལ
125a5 པོའི་མཆོག་ཏུ་གསང་བའི་ཆོ་ག་ནི། རས་ལ་བཅོམ་ལྡན་བྲི་བྱ་སྟེ།། རྡོ་རྗེའི་རིགས་ཀུན་བདག་པོ་ནི།། རྡོ་རྗེ་ཉི་མ་མེ་ལྷར་འབར།། ཆོ་ག་ཇི་བཞིན་མཆོག་ཏུའོ།། དེ་ཡི་པད་འདབ་གཅིག
125a6 བཞུགས་པ། ། དེ་ཡི་འོད་ཀྱི་དཀྱིལ་འཁོར་རྟེན།། གསང་བའི་རྡོ་རྗེའི་རྣལ་འབྱོར་ཆེའི།། མཁའ་འགྲོ་མ་རྣམས་ལོགས་ལ་བྲི།། དང་པོར་དམར་དང་དཀར་བ་དང་།། གཞན་ནི་ཐལ་བ
125a7 ལྷར་དཀར་བ། ། གསུམ་པ་དཀར་དང་ལྷ་བ་དང་།། བཞི་པ་གསེར་ལྷར་དྲི་མེད་པའོ།། རྡོ་རྗེ་གཏུམ་པའི་དབང་ཕྱུག་གྲུབ།། རྡོ་རྗེ་ཁ་ཊྭཱཾ་བསྒྲེངས་དང་བཅས།། རྡོ་རྗེ་འདོད་པ་མེ་ལྷར
iiif viewer powered by OpenSeadragon
