| e-texts navigator |
| Wylie |
124b1 གྲུབ་མ་ལུས་པ་སྟེར་བ་འདི་ཡིན་ཏེ། ཨོཾ་བྷཱ་ཁཾ། ཁྱིམ་མམ་ཡང་ན་ནགས་ཚལ་ལམ།། སྔ་མ་བཞིན་དུ་བརྒྱན་ནས་ནི།། མཚོན་ཆ་མཆོག་གི་ཆོ་ག་ཡིས།། ཐམས་ཅད་བྱས་ལ་འདི་བརྗོད་བྱ།།
124b2 དེ་ཉིད་ཀྱིས་ནི་བཅོམ་ལྡན་འདས།། བྱང་ཆུབ་སེམས་དཔའ་དེ་བཞིན་གཤེགས།། ལྷ་ངན་རྣམས་ལ་ཕན་པའི་ཕྱིར།། འདི་དག་མྱ་ངན་འདས་པ་སྟོན།། མ་ལུས་འདུལ་བ་ལ་བརྩོན་པས།། བརྟན
124b3 ཞིང་ངེས་པའི་ཆོ་ག་དགོས། ། ཤིན་ཏུ་སྲིད་པ་ལ་གནས་མཆོག། ཆོ་ག་ལ་སོགས་དགོས་པ་ཡིན།། སངས་རྒྱས་ཆོས་དང་དགེ་འདུན་ཞེས།། དཀོན་མཆོག་གསུམ་དུ་འགྱུར་བ་ཡིན།། སྲིད
124b4 པ་ཤིན་ཏུ་གྲུབ་པ་ཡིས། ། རྣམ་པར་དག་པའི་དཔལ་མཛད་མཆོག། ཅེས་བྱ་བ་ནི་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བའི་རྡོ་རྗེའོ།། དེ་ནས་མཆོག་ཏུ་གསང་བའི་ཆོས་ཉིད་ཀྱི་དྲིལ
124b5 བུ་ནི། ཐམས་ཅད་ནམ་མཁའི་མཚན་ཉིད་དེ།། ནམ་མཁའ་ལ་ཡང་མཚན་ཉིད་མེད།། ནམ་མཁའ་དང་མཉམ་སྦྱོར་བ་ཡིས།། ཀུན་མཆོག་མཉམ་པ་ཉིད་དུ་གསལ།། ཞེས་བྱ་བ་ནི
124b6 ཤེས་རབ་ཀྱི་ཕ་རོལ་ཏུ་ཕྱིན་པའོ། ། དེ་ནས་དམ་ཚིག་ཆེན་པོ་གསུམ་གྱི་སྡོམ་པ་ཞེས་བྱ་བ་ནི། ལོངས་སྤྱོད་ཀུན་ལ་ལོངས་སྤྱོད་པ།། རང་ལྷ་བདག་ཉིད་ཀྱིས་བསྙེན་ན།། དཀོན་མཆོག་གསུམ
124b7 ལ་མཆོད་པའི་མཆོག། བདག་གིས་བྱ་ཞེས་བརྗོད་ཅིང་མཆོད།། ཅེས་བྱ་བ་ནི་དེ་བཞིན་གཤེགས་པའི་རྣལ་འབྱོར་སྒྲུབ་པའོ།། ཐབས་ཀྱི་ཆོ་ག་འདི་ཡིས་ནི།། འདོད་པའི་ཡོན་ཏན་ལྔ་རྣམས
iiif viewer powered by OpenSeadragon
