| e-texts navigator |
| Wylie |
123b1 རྡོ་རྗེ་སེམས་དཔས་གསུངས་སོ། ། དེ་ལྟར་དཔལ་མཆོག་དང་པོའི་རྟོག་པའི་ཆོ་ག་རྒྱས་པ་གཏམ་རྒྱུད་སྣ་ཚོགས་ཅན། མཆོག་ཏུ་གསང་བའི་རོལ་མོ་བླ་ན་མེད་པའི་དངོས་གྲུབ་ཉམས་དང་ལྡན
123b2 པ་སྟེ། གང་གིས་སྣ་ཚོགས་པའི་རྒྱལ་མཚན་མཐོན་པོ་དང་ལྡན་པ་ཀུན་ཏུ་རྗེས་སུ་བསྟེན་པ་མཆོག་གི་དངོས་གྲུབ་བདེ་བ་ཆེན་པོ་ཉིད་ནི། དེ་ཡིས་ཡང་དག་ཉམས་སུ་མྱོང་།། དོན་ཡོད་མཆོད
123b3 མཆོག་ཏུ་བསོད་ནམས་ལྡན། ། ཆོ་ག་མཆོག་ཏུ་བརྟག་པ་སྟེ།། ཀུན་མཆོག་གསང་བ་ཆེན་པོ་ནི།། དངོས་གྲུབ་ཐམས་ཅད་མྱུར་སྒྲུབ་བྱེད།། གང་ཞིག་གྲོང་མཆོག་རབ་དགྱེད་པར།། ཞུགས
123b4 ཏེ་སྒྲུབ་པར་བྱེད་པ་ནི། ། ཤིན་ཏུ་མཆོག་གི་འདོད་པ་ཡི།། དངོས་གྲུབ་དབང་ཕྱུག་བདེ་དེས་ཐོབ།། གང་གིས་དངོས་གྲུབ་མ་ཐོབ་ན།། བསོད་ནམས་ཕུན་ཚོགས་བྱེད་པ་རྣམས།། དཀྱིལ
123b5 འཁོར་མཆོག་ཏུ་རབ་ཞུགས་ན། ། སྒྲུབ་པོ་འདིར་ནི་རབ་གྲུབ་འགྱུར།། གལ་ཏེ་རྡོ་རྗེ་སེམས་དཔའ་མཆོག། ཉེ་བའི་སྙིང་པོ་བསྒྲུབས་བྱས་ཀྱང་།། མ་གྲུབ་འདིར་ཞུགས་གྲུབ་པར
123b6 འགྱུར། ། དཔལ་མཆོག་དང་པོའི་རྩ་རྒྱུད་དུ།། དེ་བཞིན་མྱུར་དུ་གྲུབ་པ་མིན།། ཇི་ལྟར་དང་པོའི་ཁྱིམ་ཞུགས་ནས།། རྡོ་རྗེའི་དཀྱིལ་འཁོར་གྲུབ་པ་ལྟར།། དཀྱིལ་འཁོར་ཐམས
123b7 ཅད་སྒྲུབ་པ་ཡིས། ། དེ་ལྟར་ཐམས་ཅད་གྲུབ་པ་མིན།། ཇི་ལྟར་མཆོག་ཏུ་གསང་བ་ཡི།། ཁང་བཟངས་དམ་པ་མཐོང་བ་ཡིས།། དམ་ཚིག་རྣམས་ལས་ཉམས་པ་དང་།། སྒྲིབ་པ
iiif viewer powered by OpenSeadragon
