| e-texts navigator |
| Wylie |
122b1 ལ་ལར་པདྨའི་གདན་གྱི་ཤིན་ཏུ་ཞི་བའི་སྐུ་སྟེ་འགྱུར་བ་མེད་པ་སྟེ།། ལ་ལར་ཤིན་ཏུ་འབར་བའི་འདོད་པའི་དམ་ཚིག་པདྨའི་རྒྱལ་པོ་བདག་སྒྲུབས་ཤིག། དེ་ནས་ནོར་བུའི་རིགས་ཐམས་ཅད་ཀྱི
122b2 མཆོག་ཏུ་གསང་བའི་དམ་ཚིག་གི་འཇུག་པ་རྡོ་རྗེ་གླུའི་མཆོད་པ་ནི། དབང་བསྐུར་ཐམས་ཅད་དབང་ཕྱུག་དམ་པ་ལས།། ཡང་དག་བསྒྲུབས་ཤིང་མི་ཟད་གཏེར་གྱི་མཆོག། ཀུན་མཆོག་རྒྱལ་མཚན
122b3 རྣམ་རྒྱལ་སྒྲེང་བ་ལས། ། རྡོ་རྗེ་རིན་ཆེན་དཔལ་དག་ལེགས་མཆོད་འགྱུར།། དེ་ནས་རང་མིང་གསུམ་གྱི་ནི་བྷཱ་ར་བྷུ་བཿསཱཿདེ་ནས་སྲིང་མོ་བཞི་རྣམས་ཀྱིས་ཧཱུཾ་ཧཱུཾ་ཤྲཱི་བྷྱོ། དེ་ནས་ཀླུའི་རིགས
122b4 ཐམས་ཅད་ཀྱི་དཀྱིལ་འཁོར་གྱི་ནི་ཕུ་ཕུ། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ནཱ་རྡོ་རྗེ་བསྡིགས་པ་ཐམས་ཅད་ཀྱི་དཀྱིལ་འཁོར་གྱི་རྡོ་རྗེ་གླུའི་མཆོད་པ་ནི། སརྦྦ་མཾ་ག་མཎྜལ་མི་དཾ་བཛྲ་དྷ
122b5 ར་ཀྲ་མ་བི་མརྡ་བྷི་ཀི་ཛ་བྷི་ཀི་ར་བྷཉྫ་ཨུད་སཱ་ད་ཡ། ནཱ་ཤ་ཡ། ཧ་ན་ད་ཧ། པ་ཙེ་བྷ་སྨཻ་ཀུ་རུ་ཀྲོ་དྷ་ཧཱུཾ་ཀ་ར་མནྟི་ཎ། དེ་ནས་ཐམས་ཅད་ཀྱི་མཆོག་དབང་ཕྱུག་དམ་པའི་དཀྱིལ་འཁོར་ཆེན་པོའི་མཆོག
122b6 ཏུ་གསང་བའི་དམ་ཚིག་གི་རྡོ་རྗེ་གླུའི་མཆོད་པ་ནི། ལ་ལར་དྲི་མེད་ཟླ་བའི་དཀྱིལ་འཁོར་སྟོང་གི་འོད་ཀྱི་སྐུ་ནི་རྣམ་པར་མཛེས།། ལ་ལར་འཇིག་དུས་ཉི་མ་འཆར་ཀ་བྱེད་པའི་འོད་ཟེར་ཚོགས
122b7 ནི་འཇིགས་ཆེན་འབར། ། ལ་ལར་མདངས་དང་འོད་ཟེར་དང་ལྡན་པ་དེ་ཞིང་ཞི་བའི་རྒྱལ་པོའི་སྐུ་འཛིན་པ།། ལ་ལར་ཤིན་ཏུ་མཛེས་པའི་གཟུགས་འཆང་མཆོག་གི་མདའ་དང་བཅས་པའི
iiif viewer powered by OpenSeadragon
