| e-texts navigator |
| Wylie |
122a1 དེ་ལས་གཞན་ཅི་འདོད་པའི་གླུ་རོལ་མོ་རྣམས་ཀྱིས་རྟོག་པ་ཐམས་ཅད་ཀྱི་སྣ་ཚོགས་པའི་དམ་ཚིག་ཆེན་པོའི་མཆོག་ཏུ་གྲུབ་པ་ཞེས་བྱ་བ་སྟེ། རེ་རེ་ཞིག་ཐོག་མ་ཁོ་ནར་བཅོམ་ལྡན
122a2 འདས་དཔལ་མཆོག་དང་པོའི་རྡོ་རྗེ་སེམས་དཔའ་མཆོག་ཏུ་གསང་བའི་དམ་ཚིག་གི་འཇུག་པའི་གླུའི་མཆོད་པ་ནི། ཐམས་ཅད་རྗེས་སུ་ཆགས་པ་བདེ་བ་དམ་པའི་ཐུགས།། རྡོ་རྗེ་སེམས་དཔའ་ཁྱོད
122a3 ནི་རབ་དགའ་དམ་ཚིག་སྟེ། ། བདེ་བ་ཆེན་པོ་བརྟན་ཞིང་མཐོ་བ་གསལ་གྱུར་ཅིག། སོ་སོར་རྟོགས་ནས་མངོན་དུ་ཕྱོགས་ཤིང་མྱུར་དུ་བདག་སྒྲུབས་ཤིག། དེ་ནས་དེ་བཞིན་གཤེགས་པ་ཐམས་ཅད
122a4 ཀྱི་རིགས་ཀྱི་མཆོག་ཏུ་གསང་བའི་དམ་ཚིག་གི་འཇུག་པའི་རྡོ་རྗེ་གླུའི་མཆོད་པ་ནི། རྡོ་རྗེ་སེམས་དཔའ་བསྡུས་པས་ན།། རྡོ་རྗེ་རིན་ཆེན་བླ་ན་མེད།། རྡོ་རྗེ་ཆོས་ནི་ཟླར་བླངས་པས།། རྡོ་རྗེ་ལས
122a5 ནི་བྱེད་པར་འགྱུར། ། དེ་ནས་རྡོ་རྗེ་རིགས་ཐམས་ཅད་ཀྱི་མཆོག་ཏུ་གསང་བའི་དམ་ཚིག་གིས་འཇུག་པའི་རྡོ་རྗེ་གླུའི་མཆོད་པ་ནི། ཧཱུཾ། རྡོ་རྗེ་མདའ་གཞུ་དང་བཅས་ཁྱོད་ལ་འདུད།། རྡོ་རྗེ་ཆག
122a6 པའི་དམ་ཚིག་དཔལ་ཁྱོད་འདུད། ། ཁ་ཊྭཱཾ་འཇིགས་དུས་རྡོ་རྗེ་ཁྱོད་ལ་འདུད།། རྡོ་རྗེ་དྲིལ་བུ་སྐྱེད་པའི་དཔལ་ཁྱོད་འདུད།། དེ་ནས་པདྨོའི་རིགས་ཐམས་ཅད་མཆོག་ཏུ་གསང་བའི་དམ་ཚིག
122a7 གི་འཇུག་པའི་རྡོ་རྗེ་གླུའི་མཆོད་པ་ནི། ལ་ལར་སྐྱེ་བོ་མ་རུངས་པ་ཡི་སྲོག་འཕྲོག་བྱེད་པ་ཤིན་ཏུ་དྲག་པོའི་སྐུ།། ལ་ལར་འགྲོ་བ་མཐའ་ཡས་འདུལ་ཕྱིར་ཤིན་ཏུ་རྣོ་བའི་འཁོར་ལོ་འཛིན་པའི་སྐུ།
iiif viewer powered by OpenSeadragon
