| e-texts navigator |
| Wylie |
121b1 བྱས་ནས། ། ཡོངས་སུ་བསྐོར་བས་རབ་མཆོད་བྱ།། དེ་ནས་མཆོག་ཏུ་གསང་བའི་ཕྱག་རྒྱ་སྣ་ཚོགས་པའི་མཆོད་པ་ནི། རྡོ་རྗེ་སེམས་དཔའ་ལ་སོགས་ལྷའི།། རྟོག་པ་ཐམས་ཅད་རྣམ་འཕྲུལ
121b2 བ། ། གཏམ་རྒྱུད་ཕྱག་མཚན་ཕྱག་རྒྱ་ཡིས།། གང་ཞིག་གར་དེ་རོལ་མོ་ཡིན།། གསེར་རམ་ཡང་ན་དངུལ་དང་ནི།། དེ་བཞིན་ཤིང་ལས་བྱས་པ་ཡི།། རང་གི་ལྷ་ཡི་གདོང་རྣམས་ཀྱིས།།
121b3 གྲུབ་པའི་ཕྱག་རྒྱས་གར་རྣམས་བྱ།། དཀྱིལ་འཁོར་གང་དང་གང་བརྟེན་པ།། ཕྱག་རྒྱ་སྣ་ཚོགས་མཆོད་པ་ཡིས།། སློབ་མའི་ཚོགས་ནི་དེ་དང་དེ།། བཟླ་ཞིང་ཐམས་ཅད་མཆོག་ཏུ་གཞུག།
121b4 སྣ་ཚོགས་ཆོ་ག་འདི་ཡིས་ནི།། སྡིག་པ་ཀུན་ལས་རྣམ་གྲོལ་འགྱུར།། བསོད་ནམས་ཀུན་ཀྱང་འཕེལ་འགྱུར་ཏེ།། རྟག་ཏུ་སྲུང་བར་འགྱུར་བ་ཡིན།། རིམས་དང་གདོན་དང་དུག་དང་ནད།།
121b5 སྦྱར་དུག་མཁའ་འགྲོའི་འཚེ་བ་དང་།། བདུད་དང་གསོད་པར་བྱེད་པ་རྣམས།། འདི་ནི་རབ་ཏུ་ཞི་བར་འགྱུར།། དངོས་གྲུབ་དག་ནི་ཕུན་སུམ་ཚོགས།། དགའ་བ་དེ་བཞིན་བདག་པོ་རྣམས།།
121b6 སངས་རྒྱས་ཀུན་གྱི་བདག་ཉིད་ཀྱིས།། རྣལ་འབྱོར་དམ་པ་ཐོབ་པར་འགྱུར།། ཞེས་བྱ་བ་ཤིན་ཏུ་གསང་བའི་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ནས་ཕྱག
121b7 རྒྱསྣ་ཚོགས་པའི་མཆོད་པའི་ཆོ་ག་རྒྱས་པ། ལྷག་པའི་ལྷ་ཐམས་ཅད་རེ་རེའི་མཆོག་གསང་བ་འཇུག་པའི་རྡོ་རྗེ་གླུའི་མཆོད་པའི་ཆོ་ག་རྒྱས་པ་མངོན་པར་བརྗོད་ནས་རྡོ་རྗེ་སློབ་དཔོན་གྱིས་བྱས་པ་འམ།
iiif viewer powered by OpenSeadragon
