| e-texts navigator |
| Wylie |
121a1 བ་ནི། ། ཅི་འདོད་པས་ནི་བསྟེན་པ་ཡིས།། གླུ་དང་རོལ་མོའི་ཆོ་ག་སོགས།། ཇི་བཞིན་རྗེས་འགྲོའི་བཟླས་པ་བྱ།། རང་གསང་ཚོགས་བླངས་པ་ཡི།། གླུ་དང་རོལ་མོ་གར
121a2 རྣམས་ཀྱིས། ། སྣ་ཚོགས་ཕྱག་རྒྱའི་མཆོད་པ་དང་།། རྡོ་རྗེ་སེམས་དཔའི་རོལ་མོ་སོགས། བུད་མེད་སོགས་དང་ལྡན་པ་འམ།། རང་གི་སློབ་མ་དང་བཅས་པ།། ཅི་འདོད་པ་ཡི་ལོངས་སྤྱོད་ཀྱི
121a3 མཆོད་པ་བྱས་པས་མྱུར་དུ་འགྲུབ། ། ཅེས་བྱ་བ་མཆོག་ཏུ་གསང་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ལ་གསང་བའི་ཆོ་གའི་ཁྱད་པར་ནི་འདི་ཡིན་ཏེ། ཧཱུཾ་བཅོམ་ལྡན་འདས་མཆོག་དང་པོའི
121a4 རྡོ་རྗེ་སེམས་དཔའི་འོ། ། ཨ་དེ་བཞིན་གཤེགས་པ་རྣམས་ཀྱིའོ།། ཧི་དཔལ་འཇིག་རྟེན་གསུམ་ལས་རྣམ་པར་རྒྱལ་བའོ།། ཨོཾ་པདྨའི་སྙིང་པོའོའོ།། ཧ་ནམ་མཁའི་སྙིང་པོ་སྟེ་བྱང་ཆུབ་སེམས
121a5 དཔའ་ཆེན་པོའི་རྒྱལ་པོ་ནམ་མཁའི་སྙིང་པོ་ཡིན་ནོ་ཞེས་བྱ་བ་གསུངས་སོ། ། རང་གསང་སྙིང་པོའི་ཀླུ་དག་ནི།། ཡི་གེ་ལྔ་པོས་བྱ་བ་སྟེ།། རང་གསང་ཚོགས་བླངས་པ་འདི།། མཆོག་ཏུ་གཤེགས
121a6 བ་ཀུན་གྱི་ཡིན། ། དེ་ནས་མཆོག་ཏུ་གསང་བ་རྡོ་རྗེ་གླུ་ཡི་མཆོད་པ་ནི། རྡོ་རྗེ་དྲིལ་བུ་མཉམ་སོགས་བཅས།། རྣམ་པར་དབེན་པར་རལ་མོ་དཀྲོལ།། རང་གསང་ཚོ་གས་གླུ་བླངས་པ།། གསང
121a7 བའི་རོལ་མོ་རབ་ཏུ་སྒྲུབ། ། དེ་ནས་མཆོག་ཏུ་ཤིན་ཏུ་གསང་བའི་རྡོ་རྗེ་གར་གྱི་མཆོད་པ་ནི། འཛིན་པ་དང་བཅས་བཟུང་བ་ཆེའི།། བགྱི་བ་རབ་ཏུ་བྱས་ནས་ཀྱང་།། དཀྱིལ་འཁོར་འདྲ་བའི་ག
iiif viewer powered by OpenSeadragon
