| e-texts navigator |
| Wylie |
116b1 དཔའ་དགའ་བ་ཆེ། ། ཀུན་ཏུ་བཟང་པོ་ཀུན་བདག་ཉིད།། རྡོ་རྗེ་བསྙེམས་ཚུལ་བདག་པོའི་བདག། ཅེས་བྱ་བ་བཅོམ་ལྡན་འདས་དཔལ་མཆོག་དང་པོའི་སྐྱེས་བུ་མཆོག་གི་དེ་ཁོ་ན་ཉིད་ཀྱི
116b2 གསང་བ་ལྔའི་དེ་ཁོ་ན་ཉིད་བཤད་པར་བྱས་ནས་རྡོ་རྗེ་སྦྱིན་པར་བྱའོ། ། འདི་བཅོམ་ལྡན་འདས་སྲིད་པའི་བདག་པོ་དམ་པ་ཀུན་གྱི་མཆོག། དབང་ཕྱུག་གི་དམ་པ་དེ་བཞིན་གཤེགས་པ་དེ
116b3 ཉིད་ཆོས་ཀྱི་མཆོག་གི་བཀའ་ཡང་དག་པར་མཛད་པ་ནི། སྲིད་པའི་རང་བཞིན་གྱི་ནི་དག། རང་བཞིན་གྱིས་ནི་སྲིད་བྲལ་བྱས།། རང་བཞིན་དག་པའི་སེམས་དཔའ་མཆོག། སྲིད་པའི་མཆོག
116b4 ནི་མཛད་པ་ཡིན། ། མཆོག་ཏུ་གསང་བའི་ཆོས་ཉིད་འབེབས་པ་ནི་དྲིལ་བུའོ།། དེ་བཞིན་གཤེགས་པ་ཐམས་ཅད་ལ་མཆོད་པ་བྱ་བ་འམ་ལྷ་སྒྲུབ་པ་དགྲོལ་བར་བྱའོ།། དེ་ནས་ཆོས་ཐམས
116b5 ཅད་ཀྱི་དེ་ཁོ་ན་ཉིད་རབ་ཏུ་སད་པའི་ཕབ་པ་རྣམས་ཀྱིས་སྒྲིབ་པ་ཐམས་ཅད་རྣམ་པར་དག་པར་བྱེད་པ་ཡིན་ནོ། ། རྡོ་རྗེ་ཐམས་ཅད་འབེབས་པར་བྱེད་པ་དང་། རབ་ཏུ་སྒྲུབ་པར་བྱེད་པ་དང་།
116b6 དབང་དུ་བྱེད་པ་དང་། རབ་ཏུ་དང་བར་བྱེད་པ་ཞེས་བྱ་བ་སྒྲུབ་པར་འགྱུར་རོ།། དེ་ནས་སྲིད་པ་དག་པའི་ཐབས་ཀྱི་མཆོག་རྟོག་པ་ཐམས་ཅད་ཀྱི་གསང་བ་ཆེན་པོ་དམ་ཚིག་ལ་རྟག་ཏུ་བརྟེན
116b7 པར་བྱའོ་ཞེས་བྱ་བའོ། ། དེ་ལ་འདི་ནི་དེང་ཁྱོད་ཀྱི།། སྲིད་བདེ་ཤིན་ཏུ་གྱུར་པ་ནི།། སྡུག་བསྔལ་ཆེན་པོ་དག་བྱའི་ཕྱིར།། ཤིན་ཏུ་བདེ་བ་དམ་པའི་ཐབས།། དམ་ཚིག་འདི་ནི་རྟག
iiif viewer powered by OpenSeadragon
