| e-texts navigator |
| Wylie |
116a1 དམྱལ་བའི་ཆུས། ། དམ་ཚིག་འདས་ན་སྲེག་པར་བྱེད།། དམ་ཚིག་བསྲུངས་ན་དངོས་གྲུབ་ནི།། རྡོ་རྗེ་བདུད་རྩིའི་ཆུ་འདིས་འགྲུབ།། རྡོ་རྗེ་དྲིལ་བུའི་ཕྱག་རྒྱ་ནི།། གས
116a2 ཏེ་དཀྱིལ་འཁོར་མ་མཐོང་སྨྲས། ། སྐྱེ་བོ་འདུས་པའི་ནང་ན་གནས།། དད་པ་མེད་པས་བཞད་གད་མོད།། ཅེས་བྱ་བས་མནའ་བསྒག་གོ།། དེ་ལ་སངས་རྒྱས་ཀྱི་རིན་པོ་ཆེའི་དབང་བསྐུར
116a3 བའི་མཆོག་ནི་འདི་ཡིན་ཏེ། རྡོ་རྗེ་ཆུ་ཡིས་དབང་བསྐུར་ནས་དེ་བཞིན་གཤེགས་པ་ཐམས་ཅད་ཀྱི་སྐུའི་མཆོག་དབང་བསྐུར་བའི་གནས་སུ་བཞག་སྟེ། ཨོཾ་སརྦ་ཏ་ཐཱ་ག་ཧ་མ་ཧཱ་ས་མ་ཡ་ཨ་དྷི
116a4 པ་ཏི་སྟྭཾ་ཨ་བྷི་ཥིཉྩཱ་མི་མ་ཧཱ་བཛྲ་དྷ་ར་ཞེས་བྱ་བའི་སྔགས་འདིས་རྡོ་རྗེ་ལག་ཏུ་སྦྱིན་པར་བྱའོ། ། འདི་ནི་སངས་རྒྱས་ཐམས་ཅད་ཉིད།། རྡོ་རྗེ་འཆང་གི་རྡོ་རྗེ་སྟེ།། རྡོ་རྗེ་འཆང་གི་བརྟུལ་ཞུགས
116a5 ཆེཚེ། ། ཁྱོད་ཀྱིས་ཀྱང་ནི་རྟག་ཏུ་བཅང་།། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་མཆོག་གི་སེམས་ཆེན་པོ་ཡོངས་སུ་མི་སྤང་བར་རྟག་ཏུ་སྒྲུབ་པ་ཤིན་ཏུ་གསང་བ་དེ་འདི་ཡིན་ཏེ།
116a6 ཨོཾ་བཛྲ་ཀརྨ་པཱ་དྷི་དྷི་ཤྲཱི་བཛྲ་ནཱ་མ་སིད་དྷི་ས་མ་ཡ་སྟཾ་བྷུར་བྷུ་བཿསྭཿགང་ལ་རྡོ་རྗེའི་མིང་བཏགས་པ་དེ་ལ་ཀྱེའི་སྒྲ་དང་པོར་སྦྱར་བར་བྱའོ།། དེའི་མིང་དེའང་ཇི་སྲིད་བྱང་ཆུབ་སྙིང་པོ་མཐར་ཐུག་པའི
116a7 བར་གྱི་དེ་བཞིན་གཤེགས་པའི་ཡང་མིང་དུ་འགྱུར་རོ། ། དེ་ལ་མཆོག་ཏུ་གསང་བ་དམ་པའི་དཔལ་དམ་ཚིག་གསུམ་སྦྱིན་པ་ནི་འདི་ཡིན་ཏེ། ཐོག་མཐའ་མེད་པའི་སེམས་དཔའ་ནི།། རྡོ་རྗེ་སེམས
iiif viewer powered by OpenSeadragon
