| e-texts navigator |
| Wylie |
115a1 གསང་བ་མཆོག་གི་དགྱེས་པ་དང་།། སངས་རྒྱས་ཀུན་གྱིས་རྗེས་བརྟེན་པ།། རྡོ་རྗེ་སེམས་དཔའ་རང་གི་གནས།། ཐམས་ཅད་བདག་ཉིད་རྟག་ཏུ་བཞུགས།། ཐོག་མཐའ།
115a2 མེད་པའི་སེམས་དཔའ་ནི།། རྡོ་རྗེ་སེམས་དཔའ་དགའ་བ་ཆེ།། ཀུན་ཏུ་བཟང་པོ་ཀུན་བདག་ཉིད།། རྡོ་རྗེ་བསྙེམས་ཚུལ་བདག་པོའི་བདག། འདི་ནི་རང་བྱུང་བཅོམ་ལྡན་འདས།། ལྷག
115a3 པའི་ལྷ་ནི་གཅིག་པུ་ཉིད། ། ཅེས་བྱ་བ་གྲུབ་པར་འགྱུར་རོ།། དེ་ལྷར་མཆོག་ཏུ་རྗེས་ཆགས་དགའ་བ་པདྨར་ཆེ།། མཆོག་ཏུ་བསྔགས་པ་བླ་ན་མེད་པའི་དངོས་གྲུབ་སྩོལ།། མཆོག་གི
115a4 རྒྱལ་མཚན་བསྒྲེང་བ་གང་ཞིག་རྗེས་སུ་བསྟན་པ་སྟེ། ། མཆོག་གི་དངོས་གྲུབ་བདེ་བ་ཆེན་པོ་ཉིད་དེས་ཉམས་མྱོང་བ།། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།།
115a5 དཔལ་མཆོག་དང་པོ་ལས། དགའ་བ་ཆེན་པོའི་དཔལ་རྡོ་རྗེ་དོན་ཡོད་པའི་དགའ་བའི་དམ་ཚིག་རྣལ་འབྱོར་ཐམས་ཅད་ཀྱི་དབང་ཕྱུག་དེ་བཞིན་གཤེགས་པ་ཐམས་ཅད་ཀྱི་དཔལ་རང་གི་དམ
115a6 ཚིག་གི་དཀྱིལ་འཁོར་མཆོག་ཏུ་གསང་བའི་ཡོངས་སུ་རྫོགས་སོ། ། །། དེ་ནས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཆེན་པོའི་སློབ་མའི་ཆོ་ག་རྒྱས་པ་རྗེས་སུ་བཟུང
115a7 བ་བཤད་པར་བྱའོ་ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དེ་ལ་དང་པོར་ཁོ་ནར་རེ་ཞིག་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་དམ་པའི་སྔགས་འདིས
iiif viewer powered by OpenSeadragon
