| e-texts navigator |
| Wylie |
114b1 བསྒྲུབ་བྱ། ། འདིས་ནི་འདོད་པ་ཀུན་དབང་ཕྱུག། འགྲོ་དང་འོད་དང་འདོད་ན་འཕུར།། དངོས་གྲུབ་ཀུན་གྱི་དབང་ཕྱུག་འགྲུབ།། རྒ་ཤི་མེད་པའི་གཙོ་བོར་འགྱུར།། རྡོ་རྗེ་སེམས་དཔའ
114b2 གྲུབ་ཆེན་པོ། ། ཕྱག་རྒྱ་ཀུན་གྱིས་དབང་ཕྱུག་བདག། རྡོ་རྗེ་ཀུན་འཛིན་རྒྱལ་པོ་ནི།། རྡོ་རྗེ་མཚོན་ཆ་ཐམས་ཅད་འཛིན།། མི་ཐུབ་པ་དང་མི་སོད་ཅིང་།། ཐམས་ཅད་བྱེད་ཅིང་ཀུན་གྱི་རྟེན།།
114b3 སེམས་ན་ཀུན་གྱི་རྒྱལ་པོ་ཆེ།། ཚར་གཙང་རྗེས་སུ་བཟུང་བར་ནུས།། ཀུན་མཆོག་རྗེས་སུ་ཆགས་པ་ཆེ།། འདོད་པ་གྲུབ་པ་བདེ་བ་མཆོག། ཀུན་ལས་རྣམ་རྒྱལ་གྲུབ་འགྱུར་ཏེ།། ཀུན
114b4 མཆོག་དབང་ཕྱུག་དམ་པ་ཡིན། ། དངོས་གྲུབ་ཆེན་པོ་ཀུན་གྱི་མཆོག། དབང་ཕྱུག་ཆེན་པོའི་གོ་འཕང་ནས།། རྒྱལ་པོ་རྡོ་རྗེ་ཀུན་འཛིན་པ།། སངས་རྒྱས་ཐམས་ཅད་རབ་འགྲུབ་འགྱུར།།
114b5 དེ་ལྟར་མཆོག་ཏུ་རྗེས་ཆགས་དགའ་བ་པདྨའི་ར་བ་ཆེ།། མཆོག་ཏུ་གསང་བ་གྲུབ་པའི་བླ་ན་མེད་པའི་དངོས་གྲུབ་སྩོལ།། མཆོག་ཀྱི་རྒྱལ་མཚན་བསྒྲེང་བས་གང་ཞིག་རྗེས་སུ་བསྟན་པ
114b6 སྟེ། མཆོག་གི་དངོས་གྲུབ་དབང་ཕྱུག་ཆེན་པོ་ཉིད་དེས་ཉམས་མྱོང་བ།། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དཔལ་མཆོག་དང་པོ་ལས། གསང་བ་ཆེན
114b7 པོ་དམ་པའི་དཔལ་དམ་ཚིག་གསུམ་དང་། དངོས་གྲུབ་ཐམས་ཅད་དགུག་པ་དང་། མཆོད་པ་ཆེན་པོ་དང་། བདག་ལ་བྱིན་གྱིས་བརླབ་པ་ལ་སོགས་པའི་སྒྲུབ་པའི་ཆོ་ག་རྒྱས་པའོ།།
iiif viewer powered by OpenSeadragon
