| e-texts navigator |
| Wylie |
114a1 བསྒྲུབ་བྱ། ། དེ་ཡི་རྟོག་པ་ཐམས་ཅད་ལ།། རྡོ་རྗེ་འབེབས་པ་རབ་སད་ནས།། རང་གི་ལྷ་ཡི་དམ་ཚིག་ནི།། ཐམས་ཅད་གཞི་འགྱུར་འགྲུབ་པར་འགྱུར།། མཆོག་ཏུ་གསང
114a2 བ་དམ་པའི་དཔལ་དམ་ཚིག་གསུམ་གྱི་གླུ་ཆེན་པོ་དང་རོལ་མོའི་ཆོ་ག་མཆོག་ཏུ་གསང་བ་མཆོག་ཏུ་གྲུབ་པ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དེ་ནས་དེ་རྗེས་གནས་ཇི་བཞིན།།
114a3 ཅི་རྙེད་པ་ནི་ཅི་བདེ་བས།། མེ་ཏོག་སྤོས་ཀྱིས་མཆོད་ནས་ནི།། ཁང་པ་འམ་སྐྱེད་མོས་ཚལ་སོགས་སུ།། བདག་ཉིད་ཅི་འདོད་རབ་བསྒྲུབས་ནས།། ཅི་རྙེད་རྒྱན་དང་གོས་དང་ལྡན།། སྣ་ཚོག
114a4 གོས་ཀྱིས་ཡང་དག་ཀླུབས། ། མེ་ཏོག་འཕྲེང་བཅས་ཁ་དྲི་ཞིམ།། ལུགས་མ་འམ་ནི་བརྡུངས་པའམ།། འདུས་པ་འམ་ནི་རི་མོར་བྲི།། དང་པོའི་འཁོར་ལོ་དེ་མདུན་དུ།། ཆོ་ག་བཞིན་དུ
114a5 བཞུགས་གསོལ་ནས། ། རང་ལྷའི་རྣལ་འབྱོར་ཇི་བཞིན་དུ།། རྡོ་རྗེ་དྲིལ་བུ་རབ་སད་པས།། ཐམས་ཅད་དགུག་དང་མཆོད་པ་ཆེ།། བདག་བྱིན་རླབ་སོགས་བསྒྲུབ་པར་བྱ།། སྔོན་དུ་ལན
114a6 ཅིག་བསྒྲུབས་བྱས་ནས། ། དེ་ནས་དེ་རྗེས་ཅི་འདོད་པ།། ཅི་འདོད་ཅི་སྤྱོད་ཅི་སྨྲས་པ།། ཐམས་ཅད་བཟའ་ཞིང་ཐམས་ཅད་བྱེད།། ལངས་པའམ་ནི་འདུག་པ་འམ།། རབ་ཏུ་དགོད
114a7 དམ་སྨྲ་བ་འམ། ། ཇི་བཞིན་དེ་བཞིན་དེ་དང་དེར།། ཅི་འདོད་པར་ནི་ཇི་བཞིན་བཞག། གསང་བ་མཆོག་གི་འཁོར་ལོ་ནོ།། མེ་ཏོག་སོགས་ཀྱིས་མཆོད་ནས་ནི།། ཇི་བཞིན་དུ་ནི་རྗེས
iiif viewer powered by OpenSeadragon
