| e-texts navigator |
| Wylie |
113b1 གྱུར། ། རྟོག་པ་ཀུན་གྱིས་སྣ་ཚོགས་ཆེ།། དངོས་གྲུབ་དབང་ཕྱུག་བདེ་རྣམས་ཀྱིས།། མྱུར་དུ་རང་གིས་བྱིན་བརླབས་པས།། རྡོ་རྗེ་སློབ་དཔོན་གྱིས་ཐོབ་བོ།། ཞེས་བྱ་བ་བཅོམ་ལྡན་འདས
113b2 རྡོ་རྗེ་སེམས་དཔའ་མཆོག་དང་པོས་གསུངས་སོ། ། དེ་ལ་མཆོག་ཏུ་གསང་བ་དམ་པའི་དཔལ་དམ་ཚིག་གི་ལྷ་ཐམས་ཅད་ཀྱིས་བདག་ལ་བྱིན་གྱིས་བརླབ་པའི་སྒྲུབ་པ་ཆེན་པོའི་རྒྱུད་ཇི་ལྟར་ཡིན།
113b3 རང་ལྷ་རྣལ་འབྱོར་ཇི་བཞིན་དུ།། ལྷ་ཀུན་བདག་ཉིད་སྐུ་རྣམས་ཀྱིས།། རང་ལྷ་རྣལ་འབྱོར་བདག་ཉིད་ཀྱིས།། རང་ལྷག་ལྷ་ཉིད་བསྒྲུབ་པར་བྱ།། དེ་ནས་མཆོག་ཏུ་གསང་བ་དམ་པའི
113b4 ད་པལ་དམ་ཚིག་གསུམ་གྱི་ཀུན་མཆོག་དངོས་གྲུབ་ཆེན་པོའི་དབང་ཕྱུག་ཆེན་པོའི་བདག་ཉིད་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་མཆོག་ཏུ་མི་འགྱུར་བ་དམ་པ་བླ་ན་མེད་པའི
113b5 དགའ་བ་དང་། རབ་ཏུ་དགའ་བ་བདེ་བ་དམ་པ་དང་། ཡིད་བདེ་བ་ཐམས་ཅད་ཀྱི་དངོས་གྲུབ་དམ་པའི་ཆོ་ག་རྒྱས་པ་རྗེས་སུ་སྒྲུབ་པ་ནི་འདི་ཡིན་ཏེ། རང་ལྷའི་རྣལ་འབྱོར་ཇི་བཞིན་དུ།།
113b6 རྡོ་རྗེ་ཀུན་མཆོག་སྐུ་རྣམས་ཀྱིས།། གླུ་དང་རོལ་མོའི་ཆོ་ག་ནི།། རྡོ་རྗེ་ཉིད་ཀྱིས་རྗེས་ཆགས་འགྱུར།། རང་ལྷའི་སྦྱོར་བ་ཇི་བཞིན་དུ།། དབྱངས་ཀྱི་རྩ་བ་རྣམས་སད་པས།། གླུ
113b7 དང་རོལ་མོའི་ཆོ་ག་ནི། ། དྲིལ་བུ་ཉིད་ཀྱིས་རྗེས་སུ་བརྗོད།། རང་ལྷའི་སྦྱོར་བ་ཇི་བཞིན་དུ།། སྣ་ཚོགས་ཕྱག་རྒྱའི་བདག་པོ་མཆོག། གླུ་དང་རོལ་མོའི་ཆོ་ག་ནི།། དམ་ཚིག་གིས་ནི་རྗེས
iiif viewer powered by OpenSeadragon
