| e-texts navigator |
| Wylie |
113a1 ཐོག་མ་ཐ་མ་མེད་པའི་མཆོག། སེམས་དཔའ་རྡོ་རྗེ་ཆེ་རང་བཞིན།། རྡོ་རྗེ་སེམས་དཔའ་རྡོ་རྗེ་ཆེ་རང་བཞིན།། རྡོ་རྗེ་སེམས་དཔའ་བདག་གྲུབ་མཛོད།། ཀུན་མཆོག་དངོས་གྲུབ
113a2 ཆེན་པོ་སྟེ། ། དབང་ཕྱུག་ཆེན་པོ་ལྷག་པའི་ལྷ།། རྡོ་རྗེ་འཛིན་པ་ཀུན་གྱི་རྒྱལ།། མི་འགྱུར་མཆོག་ཏུ་བདག་གྲུབ་མཛོད།། ཉེས་པ་མི་མངའ་རྟག་པ་ཁྱོད།། འདོད་ཆགས་ཀྱིས་ནི་རྗེས་ཆགས་པ།།
113a3 འདོད་པ་ཆེན་པོ་དགའ་བ་ཆེ།། བཅོམ་ལྡན་དེ་ཉིད་ཀྱིས་གྲུབ་མཛོད།། ཤིན་ཏུ་དག་པ་ཀུན་གྱི་མཆོག། གདོད་ནས་གྲོལ་བ་དེ་བཞིན་གཤེགས།། ཀུན་ཏུ་བཟང་པོ་ཀུན་བདག་ཉིད།། བྱང
113a4 ཆུབ་སེམས་དཔར་བདག་གྲུབ་མཛོད། ། དངོས་གྲུབ་ཆེན་པོ་ཀུན་གྱི་མཆོག། དབང་ཕྱུག་ཆེན་པོ་ཕྱག་རྒྱའི་མཆོག། གྲུབ་པའི་རྡོ་རྗེ་ཆེར་བསྐྱོད་པས།། རྡོ་རྗེ་བསྙེམས་བདག་བདག་མཛོད་ཅིག།
113a5 དཔལ་མཆོག་དང་པོའི་བཅོམ་ལྡན་ཁྱོད།། གང་གིས་དོན་དང་གླུ་ཡིས་བསྟོད།། དེ་ནི་དངོས་གྲུབ་ཀུན་གྱི་མཆོག། དབང་ཕྱུག་ཆེན་པོ་ཉིད་གྲུབ་འགྱུར།། ཞེས་བྱ་བ་མཆོག་གི་དེ་ཁོ་ན་ཉིད་ཀྱིས
113a6 མཆོག་ཏུ་གསང་བའི་གླུ་ཆེན་པོ་མཆོག་ཏུ་གྲུབ་པ་བཅོམ་ལྡན་འདས་རྡོ་རྗེ་འཆང་གིས་གསུངས་སོ། ། དངོས་གྲུབ་ཆོ་ག་འདི་ཡིས་ནི།། རྡོ་རྗེ་སེམས་དཔའ་ཡང་དག་རྟོགས།། ཀུན་མཆོག་དངོས་གྲུབ
113a7 ཆེན་པོ་ཡི། ། དབང་ཕྱུག་ཉིད་ནི་རབ་སྒྲུབ་པའོ།། ཀུན་ནས་འོད་ཟེར་སྟོན་སོགས་དང་།། སོ་སོར་སྟོན་པའི་རྨད་བྱུང་རྣམས།། རྡོ་རྗེ་ཚིག་གིས་རང་ལྷ་ལས།། ངོ་མཚར་གྱུར་རྣམས་མཐོང་བར
iiif viewer powered by OpenSeadragon
