| e-texts navigator |
| Wylie |
111b1 གསང་བ་རྡོ་རྗེའི་གླུའི་མཆོད་པ་མཆོག་ཏུ་གྲུབ་པ་འདི་ཡིན་ཏེ། མཆོག་ཏུ་བདེ་བའི་སེམས་ནི་རོལ་པར་ལྡན།། སྒེག་པའི་ཕྱག་གིས་བཅོམ་ལྡན་འདས་ལ་འདུད།། ཛཿཧཱུཾ་བཾ་ཧོ་ཧི་ཧི་ཧི་ཧི་ཧི། མགོན
111b2 པོ་སྙིམ་པའི་མེ་ཏོག་བཞེས་སུ་གསོལ། ། དེ་ནས་མེ་ཏོག་སིལ་མདོར།། རྡོ་རྗེ་སེམས་དཔའི་དབང་བསྐུར་བས།། རྡོ་རྗེ་དྲིལ་བུའི་ཕྱག་རྒྱ་དང་།། ལྡན་པའི་འོད་གསལ་སྦྱིན་པར་བྱ།། དེ་ལ
111b3 མཆོག་ཏུ་གསང་བ་དམ་པའི་དཔལ་དམ་ཚིག་གསུམ་གྱི་རྡོ་རྗེ་སེམས་དཔའི་དབང་བསྐུར་བའི་མཆོག་ཏུ་གསང་བའི་རྡོ་རྗེའི་གླུའི་མཆོད་པ་མཆོག་ཏུ་གྲུབ་པ་འདི་ཡིན་ཏེ། ཨོཾ་སངས་རྒྱས་ཀུན་ལྡན
111b4 རིན་ཆེན་མཆོག་གིས་བརྒྱན། ། ལྷ་ཡི་ཅོད་པན་དང་བཅས་ཁྱོད་ལ་འདུད།། རྡོ་རྗེ་འཆང་བདག་རིན་ཆེན་དབང་བསྐུར་བས།། སེམས་དཔའ་ས་མ་ཡ་སྟྭཾ་ཧཱུཾ།། དེ་ཉིད་ཀྱིས་ནི་རྡོ་རྗེ་གཟུང་།།
111b5 ཆོས་ཀྱི་དྲིལ་བུ་དཀྲོལ་བར་བྱ།། དམ་ཚིག་གིས་ནི་ཕྱག་རྒྱ་ཆེར།། བྱིན་གྱིས་བརླབས་ནས་སྙིང་པོ་བཟླས།། རྡོ་རྗེ་ལ་སོགས་ཐོབ་བཟུང་བས།། རྡོ་རྗེ་སེམས་དཔའ་གཉིས་པ་འདྲ།། རྡོ་རྗེ
111b6 ཐམས་ཅད་འཛིན་རྒྱལ་པོ། ། རྡོ་རྗེ་ཅན་གྱིས་བྱིན་གྱིས་བརླབས།། འགྱུར་ཞེས་བྱ་བ་མཆོག་ཏུ་གསང་བ་དམ་པའི་དཔལ་དམ་ཆོག་གསུམ་གྱིས་བདག་ལ་བྱིན་གྱིས་བརླབས་པའི་སྒྲུབ་པ
111b7 གཅིག་པུའི་ཆོ་ག་མཆོག་ཏུ་གྲུབ་པ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དེ་ནས་འདིར་གྲུབ་བཤད་བྱ་བ།། དངོས་གྲུབ་ཤིན་ཏུ་བརྟག་པ་ཡང་།། གང་གིས་སྒྲུབ་པ་དམ་པ
iiif viewer powered by OpenSeadragon
