| e-texts navigator |
| Wylie |
111a1 བས་མཆོག་གྱུར་པའི། ། རྡོ་རྗེ་གླུ་ཡི་མཆོད་ཚོགས་དང་།། གླུ་དང་རོལ་མོ་རྣམ་འཕྲུལ་པ། མེ་ཏོག་སྤོས་སོགས་རབ་སྦྱོར་བ།། མར་མེའི་སྦྱོར་བས་ཡང་དག་མཆོད།། ཁང
111a2 པ་གསུམ་བརྩེགས་དཀྱིལ་འཁོར་དུ། ། མཆོག་གི་གསང་བ་བསྒྲུབ་པར་བྱ།། ཡང་ན་བདག་ཉིད་ཁོ་ན་མཆོག། རང་གི་ལྷག་པའི་ལྷར་བསྒོམ་བྱ།། དེ་ནས་འཁོར་ལོར་མ་ཞུགས་ཀྱང་།། རང་ཉིད
111a3 ཀྱིས་ནི་རྟག་ཞུགས་ནས། ། རྡོ་རྗེ་ཀུན་འཆང་སློབ་དཔོན་ནི།། དངོས་གྲུབ་ཀུན་ལ་གྲུབ་པར་འགྱུར།། རང་ཉིད་ཁྲུས་བྱས་དྲི་ཞིམ་བསྒོས།། ཅི་རྙེད་རྒྱན་དང་གོས་དང་ལྡན།། སྣ་ཚོགས་གོས་ཀྱིས།།
111a4 ཡང་དག་ཀླུབས།། འཕྲེང་བཅས་ཁ་ནི་དྲི་ཞིམ་པ།། རྡོ་རྗེ་སེམས་དཔའི་སྦྱོར་བ་ཡིས།། མེ་ཏོག་སྤོས་དང་དྲི་སྣོད་བཅས།། རྡོ་རྗེ་གླུ་ནི་འདི་དག་གིས།། གར་བྱེད་གྲོང་ཁྱེར་འཇུག་པར་བྱ།།
111a5 དེ་ལ་མཆོག་ཏུ་གསང་བའི་དཔལ་དམ་ཚིག་གསུམ་འཇུག་ལ་མཆོག་ཏུ་གསང་བའི་གླུའི་མཆོད་པ་མཆོག་ཏུ་གྲུབ་པ་འདི་ཡིན་ཏེ། དངོས་གྲུབ་ཀུན་གྱི་བདེ་བ་ཉམས་དགའ་བའི།། ཐར་པའི་གྲོང་དུ
111a6 བཅོམ་ལྡན་བདེ་ཆེན་འཇུག། མཆོག་ཏུ་བདེ་བ་དམ་པའི་དངོས་གྲུབ་ཀྱིས།། ཛཿཧཱུཾ་བཾ་ཧོ་རབ་ཏུ་གྲུབ་པར་མཛོད།། རབ་ཏུ་ཞུགས་ཏེ་གཡོན་པ་ཡིས།། རྡོ་རྗེ་མིག་གིས་མགོན་ལ་འདུད།། གཡོན
111a7 པ་བསྙེམས་པ་ཅུང་ཟད་བཞད། ། བསྟོད་ཅིང་མཛེས་པའི་མིག་གིས་བཙུམས་པ་དེ་ལ་མཆོག་ཏུ་གསང་བ་དམ་པ་དཔལ་དམ་ཚིག་གསུམ་གྱི་ཕྱག་འཚལ་བའི་མེ་ཏོག་གི་སིལ་མ་དོར་བའི་མཆོག་ཏུ
iiif viewer powered by OpenSeadragon
