| e-texts navigator |
| Wylie |
110a1 དོན་ཡོད་ལ་ཆགས་པའི་དམ་ཚིག་རྡོ་རྗེ་འདོན་པའི་དབང་ཕྱུག་མའོ། ། འདི་རྣམས་གསང་བའི་མཚན་དག་ནི།། མཁས་པས་གང་ཞིག་དད་པས་བརྗོད།། དེ་ནི་ཕྱག་རྒྱ་ཐམས་ཅད
110a2 ཀྱི། ། དངོས་པོ་ཀུན་བདག་བདག་པོར་འགྱུར།། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔའ་མཆོག་ཏུ་གསང་བས་གསུངས་པ་ཡིན་ནོ།། དེ་ནས་འདི་སྒྲུབ་བཤད་བྱ་བ།། དངོས་གྲུབ་ཤིན་ཏུ་བརྟག།
110a3 པ་སྟེ།། སྡིག་པ་ཆེ་ལས་དགའ་བ་དང་།། སྒྲུབ་པ་གང་ཞིག་མ་གྲུབ་ཀྱང་།། རྡོ་རྗེ་སེམས་དཔས་གསུངས་པ་བཞིན།། དེ་དག་ཀྱང་ནི་མྱུར་དུ་འགྲུབ།། ཉིན་རེ་འམ་ནི་ཟླ་རེ་འམ།། དེ་བཞིན་ལོ
110a4 ནི་རེ་ར་ལ། ། ཅི་མངོན་མངོན་འདོད་བསྒྲུབ་པར་བྱ།། ཅི་རྙེད་པ་དང་ཅི་བདེ་བས།། རས་ལ་བཅོམ་ལྡན་བྲི་བར་བྱ།། ཀུན་བདག་དམ་ཚིག་དབང་ཕྱུག་སྟེ།། གང་ཞིག་བྲིས་པར་གྱུར་ན་ནི།།
110a5 མཆོག་ཏུ་རྟག་པའི་ཐར་པ་ཐོབ།། བཞད་པ་དང་བཅས་ཟླ་བའི་འོད།། སྣ་ཚོགས་པདྨའི་འོད་འབར་བ།། སངས་རྒྱས་ཀུན་གྱི་དབང་བསྐུར་སོགས།། སྣ་ཚོགས་རྒྱན་དང་ན་བཟའ་ལྡན།།
110a6 སེམས་དཔའི་སྐྱིལ་མོ་ཀྲུང་གིས་བཞུགས།། རྡོ་རྗེ་བསྙེམས་པའི་མཆོག་འཆང་བ།། གཡོན་པ་དྲིལ་བུ་མཆོག་བསྙེམས་པ།། རྡོ་རྗེ་སེམས་དཔའ་རབ་ཏུ་བརྟག། དེ་ཡི་ལོགས་ན་བཞུགས་པ
110a7 རྣམས། ། དེ་ཡི་འོད་ཀྱི་དཀྱིལ་འཁོར་བརྟེན།། རབ་ཏུ་དགའ་བ་བདེ་བའི་སྐུ།། གསང་བ་ཆེན་པོ་དགོད་པར་བྱ།། དང་པོ་པདྨ་ལྟར་དཀར་དམར།། གཞན་ནི་པ་ལ་ཤ་ལྟར་དཀར།། གཞན་ནི
iiif viewer powered by OpenSeadragon
