| e-texts navigator |
| Wylie |
109a1 དངོས་གྲུབ་དེ་རྣམས་ཉིད་ཀྱང་ནི།། ཐམས་ཅད་ཀྱང་ནི་བསྒྲུབ་པར་བྱ།། བདེ་བ་ཐམས་ཅད་མི་འགྱུར་གནས།། བདེ་བ་ཆེན་པོ་ཞེས་བརྗོད་དོ།། རྡོ་རྗེ་འདི་ནི་སྒྲུབ་ལ་སོགས།
109a2 འདི་ནི་ཚེ་འདིར་འགྲུབ་པར་འགྱུར།། དེ་ལྟར་སྣ་ཚོགས་པའི་དོན་སྦྱང་བའི་དོན་གྱིས་ཆོ་ག་འགྲོ་བ་དཔག་ཏུ་མེད་པ་འདུལ་བ་མཐའ་མེད་ཅིང་སྣ་ཚོགས་པས་མཉམ་པ་མེད་ཅིང་ཕུལ་དུ་ཕུང་བ། དེ་བཞིན
109a3 གཤེགས་པ་ལ་སོགས་པའི་རོགས་ཐམས་ཅད་འཛིན་པའི་བདེ་བའི་མཆོག་བྱེད་པ། རྒྱལ་བ་ཐམས་ཅད་ཀྱིས་བྱིན་གྱིས་བརླབས་པ་སྲིད་པའི་བདེ་བའི་ཆོ་ག་བྱེད་པ་གསུངས་པ་ཡིན་ནོ།། དཔལ
109a4 མཆོག་དང་པོའི་རྟོག་པའི་རྒྱལ་པོ་ལས། ། རྟོག་པ་ཐམས་ཅད་ཀྱི་རྒྱུད་ཕྱི་མའི་རྩ་བའི་རྒྱུད་ཀུན་གྱི་མཆོག་དབང་ཕྱུག་དམ་པའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །
109a5 སངས་རྒྱས་ཀུན་གྱི་གསང་བ་ཆེ།། དམ་ཚིག་མཆོག་གི་སྒྲུབ་པ་དང་།། བདེ་བ་ཆེན་པོ་གཞལ་ཡས་ཁང་།། དངོས་གྲུབ་ཀུན་གྱི་ལུས་བྱས་པ།། དེ་བཞིན་གཤེགས་མཆོག་ཆེན་པོ་ཡི།། རིན
109a6 ཆེན་རྒྱལ་བ་སོགས་ཀྱི་བརྒྱན། ། བདེ་བ་ཆེན་པོའི་ཆགས་པ་ཆེ།། གླུ་དང་རོལ་མོ་རྗེས་ཆགས་པ།། བླ་མེད་དགའ་བ་ཆེན་པོ་ཡི།། མཆོད་པ་ཀུན་གྱིས་རབ་ཏུ་མཆོད།། དཔའ་བ་ཆེན་པོ
109a7 དཔལ་གྱི་གནས། ། རང་གི་བཞུགས་གནས་མཆོག་དེ་ལ།། རབ་ཏུ་དགའ་བའི་རྒྱལ་པོ་མཆོག། མི་འགྱུར་མཆོག་ཏུ་ཡང་དག་བཞུགས།། རྡོ་རྗེ་སེམས་དཔའ་བདག་རང་ཉིད།། རབ་ཏུ
iiif viewer powered by OpenSeadragon
