| e-texts navigator |
| Wylie |
107b1 པར་དགོད་པར་བྱ། ། དེ་ནས་བཤད་པ་བཞིན་ཞུགས་ནས།། དགོད་ཅིང་མྱུར་དུ་དཀྱིལ་འཁོར་དུ།། རྡོ་རྗེ་འཛིན་པ་ཞུགས་ནས་ནི།། ཁྲོས་པས་རྐང་པ་གཡོན་པས་མཉེ།། དེ་ནས་གདོན་དང་རིམས་སྡིག
107b2 ཀུན། ། དམྱལ་བ་ཐམས་ཅད་རྟག་ཏུ་ནི།། སྡིག་པ་ཆེན་པོ་བྱེད་པ་ཡང་།། རྡོ་རྗེས་རབ་ཏུ་འཇིགས་པར་འགྱུར།། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། སྡུག་བསྔལ་ཐམས་ཅད
107b3 འདོན་པའི་རྒྱུད་དོ། ། །། དེ་ནས་སྟོན་པ་རྡོ་རྗེ་འཛིན།། ཀུན་མཆོག་དབང་ཕྱུག་དམ་པ་ཡིས།། སེམས་ཅན་ཀུན་དོན་རབ་སྒྲུབ་ཕྱིར།། དཀྱིལ་འཁོར་ཐམས་ཅད་གསུངས་པ་ཡིན།།
107b4 དེ་ལ་སྙིང་པོ་འདི་ཡིན་ཏེ། ཨོཾ་ཨཱཿཧཱུཾཿཧྲིཿཏྲཱཾ། དེ་ནས་འདི་ནི་གསུངས་ཙམ་གྱིས།། ཀུན་མཆོག་དབང་ཕྱུག་དམ་པ་ཡིན།། གཟུགས་ཀུན་གྱིས་ནི་ཀུན་མཆོག་ནི།། དབང་ཕྱུག་དམ་པ་མཛད་པ
107b5 ཡིན། ། གསང་བ་ཆེན་པོ་ལྔ་ཡིས་ནི།། གང་ཚེ་འདུལ་བར་མ་གྱུར་པ།། དེ་ཚེ་སྣ་ཚོགས་ཆེར་མཛད་པ།། འགྲོ་བ་འདུལ་བའི་དམ་པ་ཡིན།། དམ་པ་ཡང་དག་བཤད་བྱ་སྟེ།། ཀུན་མཆོག་སྣ
107b6 ཚོགས་རྣམ་པར་རྒྱལ། ། ཀུན་མཆོག་དབང་ཕྱུག་དམ་པ་ཡིན།། དཀྱིལ་འཁོར་ཆེན་པོ་བྲིས་ནས་ནི།། དེ་ཡི་དབུས་སུ་ཆོ་ག་བཞིན།། རྡོ་རྗེ་སེམས་དཔའ་རབ་བཞག་ལ།། རྡོ་རྗེ་ལྷ་མོ་ཚོགས
107b7 དཀྱིལ་འཁོར། ། དེ་ཡི་ངོས་ནི་ཐམས་ཅད་དུ།། ཀུན་མཆོག་བདག་པོ་སྐུ་རྣམས་སོ།། རྡོ་རྗེ་མཆོག་བཅས་མཚན་མ་ནི།། རང་གི་རིགས་ཀྱིས་བསྐོར་བ་གཞག། རྒྱལ་པོ་རྡོ་རྗེ་སྲེད་མེད་བུའི།
iiif viewer powered by OpenSeadragon
