| e-texts navigator |
| Wylie |
107a1 ཨོཾ་ཧྲཱིཿ་ནཱི་ལ་ཛ་བ་བེ་ག་པྲི་ཐི་བྷིན་ད་རི་ཥེ་ཤ་ཡ་ཧི་པུ། སརྦྦ་ནཱ་ག་ཀུ་ལཱ་ནུ་ན་ཕུ། ས་མ་ཡ་པྲ་བེ་ཤ་ཡ་ཕུ། སརྦྦ་ན་སཱ་དྷ་ཡ་ཕུ། ཏ་ཏ་ས་སརྦྦ་ན་ག་པུ་ཊ་ཀ་ཕུ། དེ
107a2 ལྷར་བྱས་ན་ལེགས་པར་བཞུགས་ཤིང་དགའ་བར་འགྱུར་རོ། ། དེ་ནས་སློབ་དཔོན་གྱིས་དུག་མེད་པར་བསམ་པར་བྱའོ།། དེ་ནས་བརྩམས་ཏེ་དུག་ཐམས་ཅད་ཟོས་པས་ཀྱང་བདུད་རྩིར་འགྱུར།
107a3 རོ།། ནོར་རྒྱས་པར་བརྩེ་བར་བྱེད་དོ།། དུག་ཐམས་ཅད་སྦར་བ་དང་གཞིག་པ་ནུས་པར་འགྱུར་རོ།། དེ་ནས་མནའི་སྙིང་པོ་སྦྱིན་པར་བྱ་སྟེ། འདོད་ཆགས་ཞེ་སྡང་གཏི་མུག་རྣམས།། འཇིག
107a4 རྟེན་ན་ནི་འདི་གསུམ་དུག། གལ་ཏེ་བདེན་པ་ལས་འདས་ནས།། འདི་དག་གིས་ནི་རྟག་གསོད་འགྱུར།། ཁྱེད་ཀྱིས་གློག་ལ་བརྙས་མི་བྱ།། སེར་བ་བཟློག་པར་མི་བྱ་ཞིང་།། གལ།
107a5 ཏེ་དངོས་གྲུབ་ལ་དགའ་ན།། ཅི་ནས་སྦྲུལ་ནི་གསང་མི་བྱ།། ཀླུའི་དཀྱིལ་འཁོར་རོ།། ། དེ་ནས་སྟོན་པ་རྡོ་རྗེ་འཛིན།། སྡུག་བསྔལ་ཐམས་ཅད་སེལ་བའི་མཆོག། སེམ
107a6 ཅན་ཀུན་ལ་བདེ་བའི་ཕྱིར། ། གདོན་གྱི་དཀྱིལ་འཁོར་བསྡུ་བ་ཡི།། འདོད་ཆགས་ཞེ་སྡང་གཏི་མུག་རྣམས།། ཉེས་བྱས་ཀྱི་ནི་དུག་ཉིད་འགྱུར།། གདོན་དང་རིམས་དང་སྡིག་པ་དང་།
107a7 དམྱལ་བར་ཡང་ནི་འགྱུར་བ་ཡིན།། དེ་ནས་གདུག་པའི་སྙིང་པོ་ནི།། ཧཾ། ཟུར་བཞི་པ་ལ་སྒོ་བཞི་པར།། གདོན་གྱི་དཀྱིལ་འཁོར་ཀུན་ཏུ་བྲི།། དེའི་དབུས་དང་པོར་གདོན་ལ་སོགས།། ཆོ་ག་རྒྱས
iiif viewer powered by OpenSeadragon
