| e-texts navigator |
| Wylie |
105a1 འདོད་ཆགས་ཞེ་སྡང་གཏི་མུག་རྣམས། རྟག་ཏུ་གནས་པས་སྲིད་གསུམ་གནས།། ཆོས་ཀྱི་རྟེན་ནས་གསུམ་མཆོག་སྟེ།། ཆོས་མིན་རྟེན་པས་ངན་སོང་གསུམ།། འདོད།།
105a2 ཆགས་སྦྲང་རྩིར་བྱེད་པར་བཤད།། ཞེ་སྡང་རྒྱལ་བར་བྱེད་པར་བཤད།། གཏི་མུག་དོན་ནི་སྒྲུབ་བྱེད་ཅེས།། ཀུན་ཏུ་གསང་བའི་མིང་ཡིན་ནོ།། ང་ནི་འཇིག་རྟེན་གཅིག་པུ་ཉིད།། འཇིག་རྟེན་གསུམ
105a3 དུ་རབ་ཏུ་བཤད། ། ང་ནི་འདོད་པ་གཅིག་པུ་ཉིད།། ཚངས་པ་དྲག་པོ་གཡུང་དྲུང་ཡིན།། དེ་ནས་གསུམ་པོ་འདི་ཡིས་མཆོག། སྦྱང་ཕྱིར་རྡོ་རྗེ་སྦྱང་འཛིན་པ།། གཟུགས་ནི་གསུམ་པོ་འདི་དག་ཉིད།།
105a4 བདག་ཉིད་ཁོ་ན་བྱུང་བ་ཡིན།། གང་ཕྱིར་འཇིག་རྟེན་འདི་དག་ནི།། རྟག་ཏུ་ཡང་ནི་འདི་སྐད་སྨྲ།། ཚངས་སོགས་ཀྱིས་འདུལ་ཡང་དག་པའི།། སངས་རྒྱས་བྱང་ཆུབ་སྣོད་མ་ཡིན།། དེ་རྣམས་སྲུང
105a5 ཕྱིར་བཅོམ་ལྡན་འདས། ། རྡོ་རྗེ་འཆང་ཆེན་རང་ཉིད་ནི།། གཟུགས་ནི་གསུམ་པ་འདི་མཛད་ནས།། ཕྱིས་ནི་སངས་རྒྱས་ཉིད་མ་འགྱུར།། དེ་ནས་ཚངས་པ་ལ་སོགས་ལྷ།། འཇིག་རྟེན་གསུམ
105a6 མཆོག་དབང་ཕྱུག་ཆེ། ། དཀྱིལ་འཁོར་དེར་ནི་གསང་སྙིང་པོའོ།། རང་གི་རང་གྲུབ་ཕྱིར་རབ་ཕུལ།། ཨོཾ་བྷཱར་བྷུ་བ་སྭ། ཟུར་བཞི་པ་ལ་སྒོ་བཞི་པ།། སྒོ་སྲུངས་བཞིས་ནི་རབ་སྲུང་བ།། ཁ་ཁྱེར
105a7 གྱིས་ནི་ལེགས་བསྐོར་བ། ། ཕྱི་ཡི་དཀྱིལ་འཁོར་བྲི་བར་བྱ།། དེ་ཡི་ནང་མ་ཉིད་དང་ནི།། དཀྱིལ་འཁོར་གཞུ་ཡི་དབྱིབས་ཅན་ལ།། སྦྲང་རྩི་བྱེད་དང་རྒྱལ་ཉིད་བྱེད།། སྒྲུབ་པ་ཐམས་ཅད་སྒྲུབ
iiif viewer powered by OpenSeadragon
