| e-texts navigator |
| Wylie |
376b1 འགྱུར། ། རྒྱན་རྣམས་མ་ལུས་པ་ཡིས་ནི།། ཕྱི་ནས་བཟོ་བོ་རྣམས་ལ་མཆོད།། གང་དག་དེ་ལ་གྲོགས་བྱེད་པ།། གཞན་དག་ཀྱང་ནི་མཆོད་པར་བྱ།། དེ་ནས་དེ་དག་ཐམས་ཅད་ལ།། དགའ་བས་འདི་སྐད་བརྗོད་པར་བྱ།། ཇི
376b2 ལྟར་གསུངས་པའི་མཆོད་པ་རྣམས། ། བདག་ལ་མཐུན་པའི་ནུས་པ་མེད།། དེ་ཕྱིར་ཁྱོད་ལ་བདག་བཟོད་གསོལ།། སྔགས་ཀྱི་གཙང་སྦྲའི་བཟའ་བྱ་དག། གཟུགས་བརྙན་དག་ལ་བཞིན་བྱ་སྟེ།། བདེར་གཤེགས་ལྷག་མ་འདི
376b3 དག་ནི། ། ཟོས་ཤིང་སྡིག་པ་བྱང་བར་འགྱུར།། ཞེས་བྱ་བས་སོ།། གླང་པོ་རྟ་གླང་ཤིང་རྔ་ནོར།། ཡོན་གྱི་དམ་པ་དབུལ་བར་བྱ།། དེ་ནས་དེ་ལ་ནན་ཏན་གྱིས།། ལོངས་སྤྱོད་གཡོ་བ་དབུལ་བར་བྱ།། གལ་ཏེ་ལྷ་ཉིད་དགྱེས་འདོད་མ
376b4 བླ་མ་གུས་པས་དགྱེས་བྱ་ཞིང་། ། དེ་ལྟར་རྣམ་པ་ཐམས་ཅད་དུ།། བླ་མ་ཡང་དག་མཉེས་པར་བྱ།། དེ་ནས་གང་དག་བརྟུལ་ཞུགས་ཅན།། དགེ་སློང་དགེ་བསྙེམ་དགེ་སློང་མ།། མཆོག་ཏུ་གྲུབ་པས་མཆོད་བྱས་ལ།། ཇི་ལྟར་འོས་པའི་ཡོན
376b5 ཡང་དབུལ། ། དུང་ངམ་རོལ་མོ་སྒྲ་ལ་སོགས།། བཟང་བའི་གླུ་དང་གར་རྣམས་ཀྱིས།། གཉེན་དང་རིགས་བརྒྱུད་འཁོར་རྣམས་ཀྱིས།། རོལ་མོ་ཆེན་པོ་མཚན་མོ་དབུལ།། དེ་ལྟར་ཐམས་ཅད་ཕུལ་ཟིན་ནས།། གང་རུང་མཆོད་སྦྱིན
376b6 དཀྱིལ་འཁོར་ལ། ། ཕུལ་ལམ་དབུལ་བར་བྱེད་པ་རྣམས།། སློབ་དཔོན་ལ་ནི་དབུལ་བྱ་ཡི།། བཟོ་བོ་ལ་ནི་མི་སྦྱིམ་ཞིང་།། དགེ་སློང་རྣམས་ལའང་སྦྱིན་མི་བྱ།། སློབ་དཔོན་མཆོག་གི་ལྷ་ཡིན་ཏེ།། ནོར་རྣམས་ཐམས་ཅད་དེ་ལ་དབུལ།། དེ་ནས
376b7 དཀྱིལ་འཁོར་བྱུགས་བྱས་ཏེ། ། བ་ཡི་ལྕི་བས་བྱུགས་བྱས་ཤིང་།། རྡུལ་ཚོན་ཆུ་བོར་རབ་དོར་རོ།། དེ་ཡིས་ཡང་དག་ལེགས་པར་འགྱུར།། རབ་ཏུ་གནས་པ་མདོར་བསྡུས་པའི་རྒྱུད་རྫོགས་སོ།།
iiif viewer powered by OpenSeadragon
