| e-texts navigator |
| Wylie |
367a1 ཞེས་པ་ནས། སེམས་ཅན་མྱ་ངན་འདས་ལ་འགོད།། ཅེས་བྱ་བའི་བར་དུ་བརྗོད་པར་བྱའོ།། གང་ཞིག་སྡོམ་པ་མི་འཛིན་པ་དེ་ལ་ནི་གཞུག་པ་ཙམ་སྦྱི་བ་བྱ་ཞིང་།། དེང་ཁྱོད་བྱ་བ་ལ་སོགས་པ་བརྗོད་པར་མི་བྱ་སྟེ། སློབ་དཔོན།
367a2 དུ་དབང་བསྐུར་བ་འང་མི་བྱའོ།། དེ་ནས། ཨོཾ་སརྦ་ཡོ་ག་ཙིཏྟཾ་ཨུད་པཱ་ད་ཡཱ་མི།། ཞེས་པ་འདིས། བྱང་ཆུབ་སེམས་ནི་བླ་ན་མེད།། དམ་པ་བདག་གིས་བསྐྱེད་པར་བགྱི།། དེ་ཡི་སྙིང་ཁར་སྙིང་པོས་ནི།། རྡོ་རྗེ་རབ་ཏུ་གཞག་པར་བྱ།། སུ་ར་ཏ་ས་མ་ཡ་སྟྭཾ
367a3 ཧོཿ། བཛྲ་སིདྡྷི་ཡ་ཐཱ་སུ་ཁཾ། ཞེས་པ་འདིས་སོ།། དེ་ནས་རྡོ་རྗེ་ཧཱུཾ་མཛད་དུ་བྱིན་གྱིས་བརླབས་ལ་དྲི་དང་མེ་ཏོག་ལ་སོགས་པས་མཆོད་དེ་མེ་ཏོག་གི་འཕྲེང་བ་གདགས་ཤིང་། གདོང་དྲི་ཞིམ་པོས་བྱུགས་ལ་ཡོན་གྱི་མཆོག་བཟུང་སྟེ། ཕྱི་རོལ་ན་གནས
367a4 པ་ལ་བུམ་པའི་ཆུས་དབང་བསྐུར་ལ། ཨོཾ་གྲིཧྞ་བཛྲ་ས་མ་ཡ་ཧཱུཾ་བཾ། ཞེས་པ་འདིས་ཁྲོ་བོ་ཏི་རིམ་ཏི་རི་རང་ཉིད་བཅིངས་ལ་སློབ་མ་འཆིང་དུ་གཞུག་གོ།། རྡོ་རྗེ་བསྡམས་པ་ནང་བྱས་ལ།། མཐེ་བོང་རྡོ་རྗེ་དམ་པོ་ཡིས།། ཡིད་ཀྱིས་ཁྲོ་བས་དགའ
367a5 བྱ་བས་རྔ་ཁྲོ་བོ་ཏི་རིན་ཏི་རི་དྲན། ། དེ་ནས་དེ་ཉིད་ཀྱི་མཐེ་བོང་དག་གིས་མེ་ཏོག་གི་འཕྲེང་བ་འཛིན་དུ་བཅུག་ལ་སྙིང་པོ་འདིས་གཞུག་པར་བྱ་སྟེ། བཛྲ་ས་མ་ཡཾ་པྲ་ཏི་ཤྱ་མི། ཞེས་པའོ།། ཤར་གྱི་སྒོར་ཡང་རྡོ་རྗེ་ལྕགས་ཀྱུས་དེ་དགུབ་ཅིང་། ལྷོར
367a6 ཞགས་པས་གཞུག་གོ། ། ནུབ་ཏུ་ལྕགས་སྒྲོག་གིས་བཅིང་ཞིང་། བྱང་དུ་རྡོ་རྗེ་འབེབས་པས་དབབ་བོ།། ཡང་ཤར་གྱི་སྒོ་ནས་དེ་བཞིན་དུ་བཅུག་ལ་འདི་སྐད་ཅེས་བརྗོད་དོ།། དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་རིགས་ཀྱིས
367a7 དེང་ནས་ངས་ཁྱོད་ལ་རྡོ་རྗེའི་ཡེ་ཤེས་བསྐྱེད་པར་བྱ། ། ཡེ་ཤེས་གང་གིས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་པར་འགྱུར་ན། དངོས་གྲུབ་གཞན་རྣམས་ལྟ་ཅི་སྨོས་ཁྱོད་ཀྱིས་དཀྱིལ་འཁོར་མ་མཐོང་བ་རྣམས་ཀྱི་མདུན་དུ
iiif viewer powered by OpenSeadragon
