| e-texts navigator |
| Wylie |
303a1 @པ་བོ། ། ཁྲོ་བོ་དུམ་འོད་བཞིན་འཕྲོ།། ཕྱག་རྣམས་དུས་མཚོན་ཆ་བརྒྱ།། དུ་མའི་ཞལ་ལ་སྐུ་ཡང་སྟོང་།། འཁྱིལ་ཅིང་རྒྱན་ཡང་འཁྱིལ་བ་ལ།། སེམས་ཀྱི་ཆོས་པས་སྐུ་མི་མངའ།
303a2 རྣམ་པར་རྟོག་པ་མ་ལུས་སྤངས།། མ་རིག་འཇོམས་པའི་ཚངས་པ་སྟེ།། འདོད་ཆགས་ཞེ་སྡང་དྲི་མཐར་མཛད།། སྒྱུ་མ་གཏོགས་འདོད་རྡོ་རྗེ་ཅན།། རྩེ་གསུམ་རྩེ་གསུམ་འཆང་འཕྲོག་པ།། འདོད་ཆག
303a3 ཞེ་སྡང་གཏི་མུག་ཆེ། ། སྲིད་དང་སྲིད་མིན་རྣམ་སྦྱོང་བ།། ཞི་ཞིང་དུལ་ལ་དགའ་བ་སྟེ།། སངས་རྒྱས་སངས་རྒྱས་རབ་རྟོགས་པ།། སངས་རྒྱས་བདག་ཉིད་སངས་རྒྱས་སྐུ།། རྡོ་རྗེ་རབ་སྐྱེས་རྡོ་རྗེ་སེམས།།
303a4 ཀུན་ཏུ་བཟང་པོ་ཆེར་བཟང་བ།། མཚན་རྣམས་དམ་པས་རྣམ་པར་བརྒྱན།། ཁམས་གསུམ་བདག་ཉིད་ཁྱབ་པ་པོ།། ཐམས་ཅད་རྡོ་རྗེ་བདག་ཉིད་གཙང་།། གང་གི་འདི་བྲིས་བཀླགས་གྱུར་ཏམ།། རྟག་ཏུ་དེ་དོན
303a5 འཆང་བྱེད་དམ། ། དྲན་ནམ་ཉན་པར་བྱེད་ཀྱང་རུང་།། ཕྱག་ན་རྡོ་རྗེ་འདྲ་བར་འགྱུར།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བརྒྱ་བྱིན་དང་། ཚངས་པ་ལ་སོགས་པ་ལྷ་དང་། མི་དང་།
303a6 ལྷ་མ་ཡིན་དང་། དྲི་ཟ་དང་། གནོད་སྦྱིན་དང་། སྲིན་པོ་ལ་སོགས་པ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རང་ངོ་།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
303a7 པའི་སངས་རྒྱས་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོའི་བརྟག་པ་ཕྱོགས་གཅིག་པ་རྫོགས་སོ། ། ། རྒྱ་གར་གྱི་མཁན་པོ་ཤཱན་ཏིང་གརྦྷ་དང་། བོད་ཀྱི་ལོ
iiif viewer powered by OpenSeadragon
