| e-texts navigator |
| Wylie |
178a1 མཛད། སངས་རྒྱས་སངས་རྒྱས་ཁྲོ་བོ་ཆེ།། ཁྲོ་བོ་རྡོ་རྗེ་དེ་བཞིན་གཤེགས།། འདོད་ཆགས་ལས་བྱུང་དེ་བཞིན་ཉིད།། རྡོ་རྗེ་ཁྲོ་བོ་ཁྱོད་ཕྱག་འཚལ།། མཚན་བརྒྱ་རྩ་བརྒྱད
178a2 དམ་པ་འདི། ། ཉིན་རེ་བཞིན་དུ་ལན་ཅིག་ནི།། གང་ཞིག་འདོན་པར་བྱེད་པ་དེ།། དངོས་གྲུབ་མཆོག་ནི་ཐོབ་པར་འགྱུར།། དེ་དག་ལ་ནི་འཇིགས་པ་མེད།། འཕོངས་དང་བྲན་དག་ཉིད་མི་འགྱུར།། སངས་རྒྱས
178a3 རྡོ་རྗེ་འཛིན་བསྟན་པ། ། དངོས་གྲུབ་མཆོག་ནི་ཐོབ་པར་འགྱུར།། དཔའ་བོ་ཁྱོད་ལ་གསོལ་བ་འདེབས།། གདུག་པ་རྣམས་ནི་གདུལ་བ་དང་།། དེ་བཞིན་སེམས་ཅན་དོན་བྱའི་ཕྱིར།། ཚུལ་ཆེན་བསྐྱེད་པར
178a4 མཛད་དུ་གསོལ། ། གསང་བ་རྣལ་འབྱོར་ཆེན་པོའི་རྒྱུད་རྡོ་རྗེ་རྩེ་མོ་ཞེས་བྱ་བ་རྫོགས་སོ།། ། རྒྱ་གར་གྱི་མཁན་པོ་རྡོ་རྗེ་སློབ་དཔོན་ཆེན་པོ་ཀརྨ་བཛྲིའི་ཞལ་སྔ་ནས་དང་། ལོ་ཙ་བ་དགེ
178a5 སློང་གཞོན་ནུ་ཚུལ་ཁྲིམས་ཀྱིས་བསྒྱུར་ཅིང་ཞུས་པའོ། ། བམ་པོ་བཅུ་གཉིས་པའོ།། ། ནྱ། རྒྱ་གར་སྐད་དུ། སརྦ་ར་ཧ་སྱོ་ནཱ་མ་ཏནྟྲ་རཱཛ
178a6 བོད་སྐད་དུ། ཐམས་ཅད་གསང་བ་ཞེས་བྱ་བ་རྒྱུད་ཀྱི་རྒྱལ་པོ། བཅོམ་ལྡན་འདས་ཡེ་ཤེས་སེམས་དཔའ་ལ་ཕྱག་འཚལ་ལོ།། འབྱུང་ལྔ་ཉིད་ཀྱིས་ལྔ་ཡི་བདག་ཉིད་ཅན།། མི་རྣམས་ལུས་ལ
178a7 ངེས་པར་མཐོང་བ་དག། རང་སེམས་རབ་ཏུ་བསྒོམས་པར་གྱུར་ན་ནི།། དངོས་དེར་བསྒོམས་པས་ངེས་པར་སངས་རྒྱས་འགྱུར།། རབ་ཤེས་གསང་བ་དམ་པ་ནི།། སངས་རྒྱས་ཡེ་ཤེས་བླ་མེད་དེ།། གཉིས
iiif viewer powered by OpenSeadragon
