| e-texts navigator |
| Wylie |
177a1 དབྱིངས་སོགས་དཀྱིལ་འཁོར་དུ། ། རྒྱས་པར་ཇི་ལྟར་བསྟན་པ་བཞིན།། རིགས་ཀྱི་དཀྱིལ་འཁོར་འཁོར་ལོ་དང་།། འཁོར་ལོ་དཀྱིལ་འཁོར་དང་ལྡན་པ།། འཁོར་ལོའི་གནས་ནི་དབང
177a2 དུ་འགྱུར། ། ཆོས་ཀྱི་འཁོར་ལོ་ཡང་དག་ལྡན།། རྡོ་རྗེ་འགུགས་དང་སྐལ་ལྡན་དང་།། ངེས་བྱེད་རིན་ཆེན་གཟི་བརྗིད་དང་།། རྒྱལ་མཚན་བཞད་པ་ཡང་དག་ལྡན།། ཆོས་དང་རྣོན་པོ་གཙོ་བོ་མཆོག། རྒྱུ་དང་གཏུམ
177a3 པོ་དྲག་པོ་ཆེ། ། ལས་དང་སྲུང་བ་གནོད་སྦྱིན་གྲུབ།། སྣ་ཚོགས་སྦྱོར་བ་ཡང་དག་ལྡན།། འཁོར་ལོའི་རྣམ་པར་འཕྲུལ་པ་འགྱུར།། དེ་ལྟ་བུ་ཡི་སྦྱོར་བ་ཡིས།། རྡོ་རྗེ་འཁོར་ལོ་ཀུན་ཏུ་བྲི།། རྡོ་རྗེ་འཛིན
177a4 ཀུན་སློབ་དཔོན་གྱིས། ། དཀྱིལ་འཁོར་འདིར་ནི་གཞུག་པར་བྱ།། བུ་དང་སློབ་མ་མིན་པ་ལ།། གསང་བའི་ཚོགས་ཆེན་སྦྱིན་མི་བྱ།། གཞན་དུ་སྐལ་བ་དང་ལྡན་པ།། གཞུང་འདི་ཁྱོད་ཀྱིས་ཅི་བདེར་བྱིན།།
177a5 དེ་བཞིན་གཤེགས་པ་ཐམས་ཅད་ཀྱི་གསང་བའི་མདོ་སྡེའི་དབང་པོའི་རྒྱལ་པོ་ཤིན་ཏུ་གསང་བའི་རྣལ་འབྱོར་མཆོག་ཏུ་གསང་བ་རྟོག་པའི་རྒྱལ་པོ་ཆེན་པོ་རྡོ་རྗེ་རྩེ་མོ་ལས། རྡོ་རྗེ་རིགས་ཀྱི་དེ་ཁོ་ན་ཉིད་ཤིན་ཏུ་གསང
177a6 པའི་བཤད་པ་སྟེ་ལེའུ་བཞི་པ་རྫོགས་སོ། ། ། དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་དང་བཅས་པས་སླར་ཡང་དེ་བཞིན་གཤེགས་པ་ཐམས་ཅད་ཀྱི
177a7 དེ་ཁོ་ན་ཉིད་རྡོ་རྗེ་སེམས་དཔའ་ལ་མཚན་བརྒྱ་རྩ་བརྒྱད་པ་འདིས་གསོལ་བ་བཏབ་པར་གྱུར་ཏོ། ། རྡོ་རྗེ་ཧཱུཾ་མཛད་རྡོ་རྗེ་མཆོག། རྡོ་རྗེ་མཆོག་འཛིན་རྡོ་རྗེའི་མངའ།། རྡོ་རྗེ་ཁྲོ་གཉེར་རྡོ་རྗེའི་ལུས།། རྡོ་རྗེ་འབར་བ་རྒྱལ
iiif viewer powered by OpenSeadragon
