| e-texts navigator |
| Wylie |
176a1 རྒྱུད་ཀྱི་དཀྱིལ་འཁོར་ཀུན་བསྡུས་པ།། དཀྱིལ་འཁོར་གསང་བ་འདི་རུ་ནི།། དེ་ཉིད་ཡི་གེ་རྣམ་དག་པའི།། རྣལ་འབྱོར་ཆེན་པོ་འཇུག་པར་བྱ།། གྲུ་བཞི་པ་ལ་སྒོ་བཞི་པ། རྟ་བབས
176a2 བཞི་ནི་རྣམ་པར་བརྒྱན། ། ཐིག་བཞི་དང་ནི་ཡང་དག་ལྡན།། དར་གྱི་ཆུན་པོས་རྣམ་པར་བརྒྱན།། རྡོ་རྗེ་དབྱིངས་སོགས་སྦྱོར་བ་ཡིས།། སྟུག་པོ་གསང་བ་ཤིན་ཏུ་བརྟན།། དེ་ཉིད་གསང་བ་བསླབ་བྱའི
176a3 ཕྱིར། ཤེས་རབ་ཅན་གྱིས་དཀྱིལ་འཁོར་བསླབ།། ཨེ་མའོ་དཀྱིལ་འཁོར་སྦྱོར་བ་ཡིས།། གསང་བའི་དཀྱིལ་འཁོར་ཀུན་བསྡུས་པ།། རྡོ་རྗེ་དབྱིངས་སོགས་སྦྱོར་བ་ཡིས།། མཁས་པས་ཡང་དག་བྲི
176a4 ཞིང་དགོད། ། གྲུ་བཞི་མཉམ་པའི་རིམ་པ་ནི།། དེ་ཉིད་ཀྱི་ནི་ནང་དུ་བྱ།། དཀྱིལ་འཁོར་གྱི་ནི་དབུས་ཀྱི་ཆར།། སངས་རྒྱས་གཟུགས་ནི་དགོད་པར་བྱ།། དེ་ཡི་ཕྱོགས་རྣམས་ཐམས་ཅད་དུ།། ཅི་རིགས
176a5 པར་ནི་ཡང་དག་བྲི། ། ངོས་བཞིའི་རང་བཞིན་དཀྱིལ་འཁོར་ལ།། ཡི་གེ་སུམ་ཅུ་རྩ་དྲུག་དགོད།། སངས་རྒྱས་ཀྱི་ནི་ཕྱོགས་ཀུན་ཏུ།། ཡི་གེ་བཅུ་དྲུག་ཡང་དག་བྲི།། ཡི་གེ་བཅུ་དྲུག་རྒྱལ་པོ་ནི།། ཕྱག་རྒྱའི
176a6 ཚོགས་དང་འོད་བཅས་པ། ། དཀྱིལ་འཁོར་ཆེན་པོའི་ལོགས་བཞི་རུ།། ཡི་གེ་རྣམས་ནི་ཡང་དག་བྲི།། ཡི་གེ་སུམ་ཅུ་སུམ་ཅུ་ནི།། ཕྱོགས་རྣམས་ཀུན་ཏུ་དགོད་པར་བྱ།། སངས་རྒྱས་ཐུགས་ཀའི་དབུས
176a7 སུ་ནི། ། ཡི་གེ་ཧཱུཾ་ནི་སྦྱར་བར་བྱ།། གང་ཞིག་སྦྱོར་བའི་མིང་ཅན་གྱི།། སངས་རྒྱས་དབུས་སུ་དགོད་པར་བྱ།། རྡོ་རྗེ་ཡི་གེ་རབ་སྦྱོར་བྱེད།། ཤེས་རབ་ཅན་གྱིས་ཡི་གེ་རྣམས།། རྡོ་རྗེའི་རིག་པ་འཛིན་པ་ཡིས།
iiif viewer powered by OpenSeadragon
