| e-texts navigator |
| Wylie |
173b1 མཐོང་བ་མེད་པ་རུ། ། གསང་བའི་སྙིང་པོ་ཆེན་པོ་འདི།། ཐོས་པ་ཙམ་དུའང་མི་འགྱུར་རོ།། གསང་བའི་རྣལ་འབྱོར་གྱི་ཆོ་ག་རྫོགས་སོ།། ། དེ་ནས་གསང་བའི་ཕྱག་རྒྱ་བཞི།
173b2 དཀྱིལ་འཁོར་མཁས་པས་བསླབ་པར་བྱ།། ཡེ་ཤེས་དེ་ཉིད་གསང་བ་ཡང་། ཡོངས་སུ་སྒྲུབ་པས་རབ་ཏུ་བསྐོར།། ཤིན་ཏུ་གསང་བ་ཆེན་པོ་ནི།། དངོས་པོ་ཐམས་ཅད་ཁྱབ་ལ་དགོད།། འདི་ནི་རྡོ་རྗེ
173b3 དྲག་པོ་བཞི། ། རང་ཉིད་ལྔ་པ་དང་བཅས་པ།། གསང་བའི་བརྗོད་དུ་མེད་པ་མཆོག། ཡེ་ཤེས་མཆོག་གི་ཚུལ་ཐོབ་བྱེད།། བདེ་བ་ཆེན་པོ་རབ་གྲུབ་དོན།། དགའ་བ་ཆེན་པོ་ཤིན་ཏུ་བརྟན།། ཨོཾ་སརྦ་ཏ
173b4 ། ཐཱ་ག་ཏ་བཛྲ་ས་མ་ཡེ་ཧཱུཾ། ཧཱུཾ་བཛྲ་མ་ཊ། ཨོཾ་བཛྲ་པྲ་ཏ་བྷྲི་ཀུ་ནཱི་བཛྲ་ར་ཏ། ཨོཾ་པདྨ་བཛྲ་ཏི་ཏ། ཨོཾ་བཛྲ་ཀརྨ་ཨ་ཏྲི་ཀྲོ་དྷ། ཤར་དང་ལྷོ་ཡི་ཕྱོགས་ཆ་དང་།། ནུབ་དང་བྱང་གི་ཕྱོགས་ཆ་དང་།། དབུས
173b5 དང་ཕྱོགས་བཞི་དག་ཏུ་ནི། སྦྱོར་བར་ཕྱག་རྒྱ་དགོད་པར་བྱ།། ཕྱག་རྒྱའི་དཀྱིལ་འཁོར་དམ་པ་ནི།། ཐམས་ཅད་བྲི་ཞིང་དགོད་པར་བྱ།། རྡོ་རྗེ་སེམས་དཔའ་རྒྱལ་པོ་ཆེ།། མཐོང་འགྱུར་འདི་ལ་ཐེ་ཙོམ
173b6 མེད། ཇི་སྐད་བཤད་པའི་རྣལ་འབྱོར་བཞིན།། རྡོ་རྗེ་རྣལ་འབྱོར་རྗེས་སྦྱོར་སྐྱེས།། རྣལ་འབྱོར་དག་ནི་ལྷག་མ་དག། དེ་དག་ཐམས་ཅད་བརྟན་པར་བྱ།། ཤིན་ཏུ་གསང་བ་དེ་ཉིད་ཆེ།། མཆོག་ཏུ་གསང་བ་དེ
173b7 ཉིད་མཆོག། གསང་བ་ཆེན་པོ་གསང་བ་འཛིན།། རྡོ་རྗེ་གསང་བ་བརྟན་པ་ཆེ།། རིག་པ་མངོན་པར་འདོད་གྱུར་པ།། རང་གི་ལག་གིས་ཡང་དག་དྲི།། རྒྱལ་མོ་ཆེན་མོ་བརྗོད་བྱས་ན།། དཀྱིལ་འཁོར་དུ་ནི
iiif viewer powered by OpenSeadragon
