| e-texts navigator |
| Wylie |
171a1 ཕྱོགས་མཚམས་ཐམས་ཅད་མཉམ་སྦྱོར་བསམ།། ཡང་ན་ནུབ་ཀྱི་ཕྱོགས་སུ་བཤད།། ཞི་ལ་སངས་རྒྱས་ཕྱག་རྒྱ་སྟེ།། རྒྱས་ལ་ནོར་བུའི་མཚན་མས་སོ།། རྡོ་རྗེ་ཁྲོ་བོ་མངོན
171a2 སྤྱོད་ལ། དབང་ལ་པདྨའི་རིགས་ཀྱིས་སོ།། ཤིན་ཏུ་དགུག་པ་དང་ལྡན་པ།། རྡོ་རྗེ་ལྕགས་ཀྱུ་དགུག་པ་ལ།། སྦྱོར་བ་ལྔ་པོ་འདི་ཡིས་ནི།། སྦྱིན་སྲེག་ལས་ནི་རབ་ཏུ་སྒྲུག། ཞི་བའི་ཤིང་ནི་མངར་བ་སྟེ།
171a3 རྒྱས་པ་དེ་བཞིན་འབྲས་བུར་ཅས།། ཚ་བ་མངོན་སྤྱོད་ལས་དག་ལ།། དགུག་པ་ལ་ནི་ཚེར་མ་ཅན།། དབང་ལ་མེ་ཏོག་བཅས་པར་བཤད།། དེ་རྣམས་ཡམ་ཤིང་གོ་རིམས་བཞིན།། སྔོན་ལ་ཡམ་ཤིང་རྣམ
171a4 པ་ལྔ། རྣལ་འབྱོར་པ་ཡིས་ཡང་དག་སྦྱར།། དེ་ལ་འདམ་གྱིས་བྱུགས་པ་ཡིས།། ཤིང་ལ་ཞི་བ་རབ་ཏུ་བསྒྲགས།། གང་དུ་སྡིག་པ་རྣམ་འཇིག་ཅིང་།། ཀུན་ཏུ་འཁྲུག་པར་བསྲེགས་འགྱུར་བ།།
171a5 བུད་ཤིང་མངར་བ་དག་གི་མེ།། མཉམ་པར་བཞག་པས་རབ་སྦར་ནས།། ཏིལ་མར་གྱིས་ནི་སྦྱིན་སྲེག་བྱས།། སྡིག་པ་ཐམས་ཅད་སྲེག་པར་འགྱུར།། ཨོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ།།
171a6 བུད་ཤིང་མངར་བ་དག་གིས་ནི།། ཤིན་ཏུ་མཉམ་པར་བཞག་པས་སྦར།། འབྲས་ཀྱི་སྦྱིན་སྲེག་བྱས་ན་ནི།། བསོད་ནམས་ཚོགས་ནི་འཕེལ་བར་འགྱུར།། ཨོཾ་བཛྲ་པུཥྚ་ཡེ་སྭཱཧཱ།། བུད་ཤིང
171a7 མངར་པོ་དག་གིས་ནི། ། མཉམ་པར་བཞག་པས་མེ་སྦར་ནས།། མར་བསྙུགས་དུར་བའི་སྦྱིན་སྲེག་གིས།། རྡོ་རྗེ་ཚེ་ནི་མངོན་འཕེལ་འགྱུར།། ཨོཾ་བཛྲ་ཨཱ་ཡུ་ཥེ་སྭཱ་ཧཱ།། ཡམ་ཤིང་དེ་དག་ཉིད་ཀྱིས
iiif viewer powered by OpenSeadragon
