| e-texts navigator |
| Wylie |
170b1 རབ་ཏུ་བཤད། ། རིག་པ་འཛིན་པའི་རྣམ་འཕྲུལ་པ།། ཇི་ལྟར་སྦྱིན་སྲེག་རྣམ་པ་ཡིས།། རིགས་ཀྱི་དཀྱིལ་འཁོར་འགྲུབ་འགྱུར་བ།། མདོར་བསྡུས་རབ་ཏུ་བཤད་པར་བྱ།། སྦྱིན་སྲེག་ལས་ནི
170b2 རྣམ་པ་ལྔ། ། རེ་རེ་ཞིང་ཡང་རྣམ་པ་མང་།། ཞི་བ་དང་ནི་རྒྱས་པ་ཉིད།། མངོན་སྤྱོད་ཀྱི་ནི་གསུམ་པ་སྟེ།། དགུག་པ་ཡང་ནི་བཞི་པ་ཡིན།། སྡེ་པ་དབང་དང
170b3 དག་ལྡན། ། སྦྱིན་སྲེག་ལྔ་པོ་དེ་རྣམས་ནི།། དབང་དུ་བྱེད་པ་མཆོག་ཡིན་ནོ།། དེ་ནས་ཐབ་ཁུང་རབ་བཤད་བྱ།། སྦྱོར་བ་ཇི་བཞིན་སྦྱོར་བར་བྱ།། ཞི་ལ་ཐབ་ཁུང་ཟླུམ་པོ་སྟེ།། ཀུན་ནས་ཡོངས་སུ
170b4 ཟླུམ་པོ་ཡིན། ། རྒྱས་པ་ལ་ནི་གྲུ་བཞི་སྟེ།། མངོན་སྤྱོད་ལ་ནི་གྲུ་གསུམ་ཡིན།། ཐབ་ཁུང་རྡོ་རྗེའི་རྣམ་པ་ཅན།། ཀུན་ཏུ་དགུག་པར་བྱེད་པའི་མཆོག། དེ་བཞིན་ཐབ་ཁུང་རིང་པོར་བྱ།། དབང
170b5 དུ་བྱེད་པའི་མཆོག་ཡིན་ནོ། ། དེ་དག་རྣམ་པ་ལྔ་རུ་བཤད།། ཐབ་ཁུང་ལས་ནི་བླ་ན་མེད།། སྲོད་ཀྱི་དུས་སུ་ཞི་བ་བྱ།། སྔ་དྲོའི་དུས་སུ་རྒྱས་པའི་ལས།། ཉི་མ་ཕྱེད་ན་མངོན་སྤྱོད་ཀྱི།། དྲག་ངོ
170b6 ལས་ནི་ངེས་པར་བྱ། ། དགུག་པ་དུས་རྣམས་ཐམས་ཅད་དུ།། མཚན་མོ་དབང་དུ་བྱ་བ་ཡིན།། སྦྱོར་བ་ལྔ་པོ་འདི་ཡིས་ནི།། མཉམ་པར་བཞག་པས་ལས་རྣམས་བྱ།། ཤར་དུ་ཁ་བལྟས་ཞི
170b7 དོན་དུ། ། རྒྱས་པ་བྱང་དུ་ཡང་དག་གནས།། ལྷོ་རུ་ཁ་བལྟས་གྱུར་པ་ཡིས།། མངོན་སྤྱོད་ཀྱི་ནི་ལས་རྣམས་སོ།། སྟེང་དུ་ཁ་བལྟས་དེ་བཞིན་དགུག། ཕྱོགས་རྣམས་ཀུན་ཏུ་བལྟས་དབང་བྱ།།
iiif viewer powered by OpenSeadragon
